ബി.ഡി.ജെ.എസിന്റെ സ്ഥാനാര്‍ഥികളെ പ്രഖ്യാപിക്കും; മത്സരിക്കുന്നത് നാല് സീറ്റുകളില്‍

ന്‍.ഡി.എ.യില്‍ ബി.ഡി.ജെ.എസിന്റെ സീറ്റുകളിലെ സ്ഥാനാര്‍ഥികളെ ഞായറാഴ്ച പ്രഖ്യാപിക്കും. ഇതിനായി സംസ്ഥാന സമിതിയോഗം ചേര്‍ത്തലയില്‍ ചേരും. നാലു സീറ്റുകളിലാണു പാര്‍ട്ടി മത്സരിക്കുന്നത്.

സംസ്ഥാന പ്രസിഡന്റ് തുഷാര്‍ വെള്ളാപ്പള്ളി കോട്ടയത്തു മത്സരിക്കുമെന്നുറപ്പായി. ഇവിടെ എസ്.എന്‍.ഡി.പി. യോഗത്തിനുള്ള സംഘടനാശേഷി പ്രയോജനപ്പെടുത്താനാകുമെന്നാണു പ്രതീക്ഷ. കഴിഞ്ഞതവണ ബി.ഡി.ജെ.എസ്. മത്സരിച്ച മാവേലിക്കരയിലും ഇടുക്കിയിലും ബി.ജെ.പി.ക്കു കൂടി സമ്മതരായ സ്വതന്ത്രരെ ഇറക്കാനാണു നീക്കം. മാവേലിക്കരയില്‍ കെ.പി.എം.എസിന്റെ മുന്‍നിര നേതാവിനെ മത്സരിപ്പിക്കാനാണു ശ്രമം. കോണ്‍ഗ്രസ് വിട്ട കെ.പി.എം.എസ്. നേതാവിനെയും പരിഗണിക്കുന്നുണ്ട്.

ഇടുക്കിയിലും ബി.ജെ.പി.ക്കു കൂടി സമ്മതരായ സ്വതന്ത്രരെയാണു പാര്‍ട്ടി ലക്ഷ്യമിടുന്നത്. നേതാക്കളായ സിനില്‍ മുണ്ടപ്പള്ളി, കെ. പദ്മകുമാര്‍ എന്നിവരെയും ഇവിടെ പരിഗണിക്കുന്നുണ്ട്.
കഴിഞ്ഞതവണ മത്സരിച്ച വയനാടിനു പകരം എറണാകുളമോ ചാലക്കുടിയോ ലഭിച്ചേക്കും. ഇതില്‍ തീരുമാനമായ ശേഷമേ സ്ഥാനാര്‍ഥികളെ നിശ്ചയിക്കൂ. ചാലക്കുടിയാണെങ്കില്‍ റബ്ബര്‍ ബോര്‍ഡ് വൈസ് ചെയര്‍മാന്‍ ഉണ്ണിക്കൃഷ്ണന്‍ ചാലക്കുടിയെയാണു പരിഗണിക്കുന്നത്. എറണാകുളത്ത് വടക്കന്‍ പറവൂരില്‍നിന്നുള്ള ബി.ഡി.ജെ.എസ്. വനിതാവിഭാഗം നേതാവ് ഷീബയ്ക്ക് അവസരം ലഭിച്ചേക്കും. ഡല്‍ഹിയിലുള്ള തുഷാര്‍ വെള്ളാപ്പള്ളി ബി.ജെ.പി. കേന്ദ്ര നേതൃത്വവുമായി ചര്‍ച്ച തുടരുകയാണ്.

പാര്‍ട്ടിയുടെ അവഗണനയില്‍ പത്മജ വേദനിക്കുന്നത് കണ്ടിട്ടുണ്ട്: ബിജെപിയിലേക്കെന്ന് സ്ഥീരികരിച്ച് പത്മജയുടെ ഭര്‍ത്താവ്

കോണ്‍ഗ്രസ് നേതാവും മുന്‍മുഖ്യമന്ത്രി കെ.കരുണാകരന്റെ മകളുമായ പത്മജ വേണുഗോപാല്‍ കോണ്‍ഗ്രസ് വിട്ട് ബി.ജെ.പി.യില്‍ ചേരുമെന്ന് സ്ഥിരീകരിച്ച് ഭര്‍ത്താവ് ഡോ.വേണുഗോപാല്‍. പാര്‍ട്ടിയില്‍നിന്നും കിട്ടിയ വലിയ അവഗണനയില്‍ പത്മജ വേദനിക്കുന്നത് കണ്ടിട്ടുണ്ടെന്നും അതുകൊണ്ടായിരിക്കാം ഈ തീരുമാനമെടുത്തതെന്നും അദ്ദേഹം പറഞ്ഞു.

പത്മജ എന്തുതീരുമാനമെടുത്താലും ഞാന്‍ അതിനെ പിന്തുണക്കാറാണ് പതിവ്. രാഷ്ട്രീയമായി ഇക്കാര്യത്തില്‍ അഭിപ്രായം പറയുന്നില്ല. കെ.കരുണാകരന്‍ സ്മാരക നിര്‍മാണം വൈകുന്നതിനും അവര്‍ അസ്വസ്ഥയായിരുന്നു. പലരും അതിന് എതിരുനിന്നു. രാഷ്ട്രീയമാറ്റമെന്ന തീരുമാനം നേരത്തെ ഉണ്ടായിരുന്നില്ല.

രാഷ്ട്രീയം അവസാനിപ്പിച്ച് വീട്ടിലിരിക്കാനാണ് താന്‍ പറയാറ്. പത്മജയുടെ മനസ്സിലും ഇതുതന്നെയായിരുന്നു. എന്നാല്‍, മികച്ച ഒരു അവസരം വന്നപ്പോള്‍ ശ്രമിച്ചുനോക്കാമെന്ന് വിചാരിച്ചു. പത്മജയുടെ തീരുമാനത്തിന് എല്ലാവിധ പിന്തുണയും ഉണ്ട്. ഭാര്യയുടെ വ്യക്തിപരമായ തീരുമാനങ്ങള്‍ എതിര്‍ക്കാറില്ല- വേണുഗോപാല്‍ വ്യക്തമാക്കി. ചിലമണ്ഡലങ്ങളില്‍ ബിജെപി സ്ഥാനാര്‍ഥികളെ പ്രഖ്യാപിച്ചിട്ടില്ലെന്നും പത്മജ സ്ഥാനാര്‍ഥിയാകാന്‍ സാധ്യതയുണ്ടോയെന്നുമുള്ള ചോദ്യത്തിന്, ഒരിക്കലും തിരഞ്ഞെടുപ്പില്‍ മത്സരിക്കില്ലെന്നായിരുന്നു പ്രതികരണം.

രാഷ്ട്രീയം സംസാരിക്കാറില്ല, രാഷ്ട്രീയത്തില്‍ ഇടപെടാറില്ല. പക്ഷെ ഭാര്യ യുക്തിസഹമായ ഒരു തീരുമാനമെടുത്താല്‍ അതിനെ പിന്തുണയ്ക്കാറുണ്ട്. അത്തരത്തിലുള്ളതാണ് ഇപ്പോള്‍ വന്നത്. പാര്‍ട്ടിക്കുവേണ്ടി കഷ്ടപ്പെട്ടിട്ടും വേണ്ടത്ര പരിഗണന കിട്ടുന്നില്ലെന്നും അവഗണിക്കപ്പെടുകയാണെന്നും കുറേനാളായി പത്മജ പറയാറുണ്ട്. സര്‍ക്കാര്‍ സൗജന്യമായി സ്ഥലം നല്‍കിയിട്ടും കരുണാകരന്‍ സ്മാരകം പൂര്‍ത്തികരിക്കാനാകാത്തതിലാണ് പത്മജ ഏറ്റവും കൂടുതല്‍ വേദനിച്ചത്. ഇതിനായി ഏറെ ബുദ്ധിമുട്ടിയെങ്കിലും നേതൃസ്ഥാനത്തിനായി ഗ്രൂപ്പുകള്‍ അടിയായി. തൃശൂരില്‍ കൂടെനിന്നവര്‍തന്നെ പത്മജയെ തോല്‍പ്പിച്ചു. കോണ്‍ഗ്രസ് വിട്ടുപോകുകയെന്നത് ആലോചിക്കാന്‍ പറ്റാത്ത കാര്യമായിരുന്നു. പക്ഷെ വലിയ സമ്മര്‍ദ്ധമുണ്ടായപ്പോഴാണ് ഇപ്പോഴത്തെ തീരുമാനം. ബിജെപി നേതാക്കളെ വ്യക്തിപരമായി അറിയാം, രാഷ്ട്രീയ ബന്ധമില്ല. വാഗ്ദാനങ്ങളൊന്നും ഇല്ല, നിരുപാധികമായാണ് ബിജെപിയിലേക്ക് പത്മജ പോകുന്നത്- വേണുഗോപാല്‍ വ്യക്തമാക്കി.

നിലവില്‍ പത്മജ വേണുഗോപാല്‍ ഡല്‍ഹിയിലാണ്. ബി.ജെ.പി. നേതാക്കളുമായി ചര്‍ച്ചയിലാണെന്നാണ് ലഭിക്കുന്ന വിവരം. വ്യാഴാഴ്ച ബി.ജെ.പി. ആസ്ഥാനത്ത് വെച്ച് പത്മജ വേണുഗോപാല്‍ അംഗത്വമെടുത്തേക്കുമെന്നാണ് സൂചന. ബുധനാഴ്ച ഉച്ചയോടെ പത്മജ വേണുഗോപാല്‍ ബി.ജെ.പിയില്‍ ചേരുമെന്ന വാര്‍ത്തകള്‍ പുറത്തുവന്നിരുന്നു. എന്നാല്‍ ഇക്കാര്യം നിഷേധിച്ചുകൊണ്ട് പത്മജ തന്നെ വൈകിട്ട് ഫേസ്ബുക്കില്‍കൂടി രംഗത്തെത്തി. ‘ഒരു തമാശ പറഞ്ഞതാണ്, ഇങ്ങിനെയാകുമെന്ന് വിചാരിച്ചില്ല’ എന്നായിരുന്നു ഫേസ്ബുക്ക് പോസ്റ്റ്. എന്നാല്‍ പിന്നീട് ഇത് പിന്‍വലിക്കുകയായിരുന്നു. വ്യാഴാഴ്ചയോ വെള്ളിയാഴ്ചയോ ബിജെപി ആസ്ഥാനത്ത് വെച്ച് പത്മജ വേണുഗോപാല്‍ അംഗത്വം സ്വീകരിക്കുമെന്നാണ് ലഭിക്കുന്ന വിവരം. എന്നാല്‍ ഇതില്‍ ഔദ്യോഗിക സ്ഥിരീകരണം ലഭിച്ചിട്ടില്ല.

ഓണ്‍ലൈന്‍ വായ്പത്തട്ടിപ്പ്: പുലിയൂര്‍ സ്വദേശിനിയ്ക്ക് 1.1 ലക്ഷം രൂപ നഷ്ടം; യുവാക്കള്‍ അറസ്റ്റില്‍

ണ്‍ലൈന്‍ വായ്പത്തട്ടിപ്പു നടത്തിയതിനു ചെങ്ങന്നൂരില്‍ മൂന്നുപേരെയും മാവേലിക്കരയില്‍ രണ്ടുപേരെയും പോലീസ് അറസ്റ്റു ചെയ്തു. രണ്ടിടത്തും യുവതികളാണു തട്ടിപ്പിനിരയായത്. കരീലക്കുളങ്ങര സ്വദേശി അനന്തു(23), വെങ്ങോല അറയ്ക്കപടി മേപ്പുറത്ത് വീട്ടില്‍ ഇവാന്‍(25), സഹോദരന്‍ ആബിദ് (25) എന്നിവരാണു ചെങ്ങന്നൂര്‍ പോലീസിന്റെ പിടിയിലായത്. മലപ്പുറം ജില്ലയിലെ തിരൂര്‍, മച്ചിങ്ങത്തായം, കൊടിഞ്ഞി വാണിഭക്കാരന്‍ വീട്ടില്‍സഫ്വാന്‍ (23), വെളിഞ്ഞം വീട്ടില്‍ മുഹമ്മദ് ഇര്‍ഷാദ് (23) എന്നിവരാണു മാവേലിക്കരയില്‍ അറസ്റ്റിലായത്. മാവേലിക്കര സ്വദേശിനിയുടെ പരാതിയിലാണ് ഇവരുടെ അറസ്റ്റ്.

ആപ്പിലൂടെ രണ്ടുലക്ഷം രൂപയുടെ വായ്പയ്ക്ക് അപേക്ഷിച്ച പുലിയൂര്‍ സ്വദേശിനിയുടെ 1.1 ലക്ഷം രൂപ നഷ്ടമായി. ഈ കേസിലാണു മൂവരെയും അറസ്റ്റ് ചെയ്തതെന്നു പോലീസ് പറഞ്ഞു. ചാറ്റിങ്ങിലൂടെയും ഓഡിയോ കോളിലൂടെയും പരാതിക്കാരിയില്‍നിന്ന് ആധാര്‍, പാന്‍കാര്‍ഡ് ഉള്‍പ്പെടെയുള്ള രേഖകള്‍ വാങ്ങി. പിന്നീട് വായ്പ പാസായെന്നു പറഞ്ഞ് വിശ്വസിപ്പിച്ച് പ്രൊസസിങ് ഫീസായി 11,552 രൂപ അടപ്പിച്ചു. ഇതിനുശേഷം മാനേജര്‍ എന്ന പേരില്‍ വിളിച്ച് 40,000 രൂപ അടയ്ക്കണമെന്ന് ആവശ്യപ്പെട്ടു.

ഡോക്യുമെന്റെല്ലാം ശരിയല്ലെന്നുപറഞ്ഞ് വീണ്ടും 50,000 കൂടി അടയ്ക്കാന്‍ ആവശ്യപ്പെട്ടു. പിന്നീട് ഒരു വിവരവും ഉണ്ടായില്ല. ഫോണുകളെല്ലാം കിട്ടാതായി. തുടര്‍ന്നാണു പോലീസില്‍ പരാതി നല്‍കിയത്. പോലീസ് നടത്തിയ അന്വേഷണത്തില്‍ ഇത്തരത്തില്‍ നിരവധിപേരെ തട്ടിപ്പിനിരയാക്കിയിട്ടുണ്ടെന്നും ഏകദേശം ഒന്നരക്കോടിയുടെ തട്ടിപ്പ് നടത്തിയെന്നുമാണു പോലീസ് നിഗമനം. ഇവര്‍ക്കൊപ്പം വേറെയും പ്രതികളുണ്ടെന്നാണു പോലീസ് പറയുന്നത്.

കുറഞ്ഞ പലിശയ്ക്കു വായ്പ തരപ്പെടുത്തിനല്‍കാമെന്നു പറഞ്ഞ് യുവതിയില്‍നിന്നു പണം തട്ടിയെടുത്തതിനാണു മാവേലിക്കരയില്‍ മലപ്പുറം സ്വദേശികള്‍ അറസ്റ്റിലായത്. ഫെയ്‌സ് ബുക്കില്‍ക്കണ്ട ലിങ്കില്‍ കയറിയ യുവതിയോടു പ്രതികള്‍ മൂന്നുലക്ഷം രൂപ കുറഞ്ഞപലിശയ്ക്ക് അനുവദിക്കാമെന്നും അതിലേക്ക് ഈടായി പണം നല്‍കണമെന്നും പറഞ്ഞുവിശ്വസിപ്പിച്ചു. പരസ്യംകണ്ട് വിശ്വസിച്ച യുവതി തന്റെ സുഹൃത്തിന്റെ അക്കൗണ്ടില്‍നിന്ന് ആദ്യം 9,195 രൂപ നല്‍കി. പിന്നീട്, രണ്ടുതവണയായി 60,195 രൂപ കൂടി അടപ്പിച്ചു.

ഇതിനുശേഷം തട്ടിപ്പു മനസ്സിലാക്കി യുവതി കേന്ദ്ര ആഭ്യന്തര വകുപ്പിന്റെ കീഴിലുള്ള നാഷണല്‍ സൈബര്‍ ക്രൈം റിപ്പോര്‍ട്ടിങ് പോര്‍ട്ടലിന്റെ 1930 എന്ന നമ്പറില്‍ പരാതി രജിസ്റ്റര്‍ ചെയ്തു. മാവേലിക്കര പോലീസ് കേസ് രജിസ്റ്റര്‍ ചെയ്ത് അന്വേഷണം നടത്തുകയായിരുന്നു. പണം തട്ടിയെടുത്ത അക്കൗണ്ടുകള്‍ കേന്ദ്രീകരിച്ച് ആലപ്പുഴ സൈബര്‍ സെല്ലിന്റെ സഹായത്തോടെ നടത്തിയ അന്വേഷണത്തിനൊടുവിലാണു പ്രതികളെ കണ്ടെത്താനായത്.

പ്രധാനമന്ത്രി നരേന്ദ്രമോദി വ്യാഴാഴ്ച കശ്മീരില്‍;അനുച്ഛേദം 370 റദ്ദാക്കിയശേഷം മോദി ആദ്യമായി കശ്മീരിലേക്ക്

 

പ്രധാനമന്ത്രി നരേന്ദ്രമോദി വ്യാഴാഴ്ച കശ്മീരില്‍. ശ്രീനഗറില്‍ 6,400 കോടിയുടെ വികസന പദ്ധതികളുടെ പ്രഖ്യാപനം നടത്തുന്ന അദ്ദേഹം പൊതുസമ്മേളനത്തിലും പങ്കെടുക്കും. കശ്മീരിന് പ്രത്യേക പദവി നല്‍കിയിരുന്ന അനുച്ഛേദം 370 റദ്ദാക്കിയശേഷം മോദി ആദ്യമായി എത്തുന്നു എന്ന പ്രത്യേകതയും മോദിയുടെ ഇന്നത്തെ സന്ദര്‍ശനത്തിനുണ്ട്.

ശ്രീനഗര്‍ സ്റ്റേഡിയത്തില്‍ നടക്കുന്ന ‘വികസിത് ഭാരത് വികസിത് ജമ്മു കശ്മീര്‍’ പരിപാടിയില്‍ അദ്ദേഹം പങ്കെടുക്കും. കശ്മീരില്‍ പുതുതായി സര്‍ക്കാര്‍ ജോലി ലഭിച്ച ആയിരം പേര്‍ക്കുള്ള നിയമന ഉത്തരവും കൈമാറും. വിവിധ കേന്ദ്ര പദ്ധതികളില്‍ ആനുകൂല്യം ലഭിച്ചവരുമായും കര്‍ഷകരുമായും സംവദിക്കുന്നുണ്ട്. രാജ്യത്തുടനീളം വിനോദസഞ്ചാര കേന്ദ്രങ്ങളും ആരാധനാലയങ്ങളും വികസിപ്പിക്കുന്നതിനുള്ള 43 പദ്ധതികളും അദ്ദേഹം പ്രഖ്യാപിക്കും.

അതേസമയം, പ്രധാനമന്ത്രിയുടെ സന്ദര്‍ശത്തോടനുബന്ധിച്ച് ശക്തമായ സുരക്ഷയാണ് കശ്മീരില്‍ ഒരുക്കിയിരിക്കുന്നത്. മോദിയുടെ റാലി നടക്കുന്ന ഭക്ഷി സ്റ്റേഡിയം സുരക്ഷാ വലയത്തിലാണ്. ഡ്രോണുകളും സിസിടിവി ക്യാമറകളും ഉപയോഗിച്ച് നിരീക്ഷണം ശക്തമാക്കിയിട്ടുണ്ട്. പരിപാടികള്‍ നടക്കുന്ന വേദികള്‍ക്ക് രണ്ടുകിലോമീറ്റര്‍ ചുറ്റളവില്‍ സുരക്ഷാസേന പട്രോളിങ് ശക്തമാക്കിയിട്ടുണ്ട്. ഝലം, ദാല്‍ നദികളില്‍ നിരീക്ഷണത്തിനായി കമാന്‍ഡോകളെയടക്കം വിന്യസിച്ചു. ബുധന്‍, വ്യാഴം ദിവസങ്ങളില്‍ സ്‌കൂളുകള്‍ക്ക് നേരത്തെ അവധി പ്രഖ്യാപിച്ചിരുന്നു. വ്യാഴാഴ്ച നടത്താനിരുന്ന ബോര്‍ഡ് പരീക്ഷകള്‍ അടുത്ത മാസത്തേയ്ക്ക് മാറ്റിവെച്ചു.

ലോക്സഭാ തിരഞ്ഞെടുപ്പ് അടുത്തിരിക്കെയുള്ള സന്ദര്‍ശനത്തില്‍, കശ്മീരിലെ നിയസഭാ തിരഞ്ഞെടുപ്പ് സംബന്ധിച്ചുള്ള പ്രഖ്യാപനം പ്രധാനമന്ത്രി നടത്തുമോയെന്ന് ഉറ്റുനോക്കുകയാണ് പ്രതിപക്ഷകക്ഷികള്‍. 2019 ഓഗസ്റ്റ് അഞ്ചിനാണ് കേന്ദ്രസര്‍ക്കാര്‍ അനുച്ഛേദം 370 റദ്ദാക്കി സംസ്ഥാനത്തെ ജമ്മു കശ്മീരിര്‍, ലഡാക്ക് എന്നീ രണ്ട് കേന്ദ്രഭരണ പ്രദേശമാക്കിമാറ്റിയത്.

രേഖകള്‍ അപ്രത്യക്ഷമായത് യാദൃശ്ചികമായല്ല, അഭിമന്യുവിന്റെ കൊലയാളികളെ സഹായിക്കുന്നത് സിപിഎം:സുരേന്ദ്രന്‍

ഭിമന്യുവിന്റെ കൊലയാളികളെ രക്ഷപ്പെടാന്‍ സഹായിക്കുന്നത് സിപിഎം നേതൃത്വമാണെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍. പോപ്പുലര്‍ ഫ്രണ്ടും സിപിഎമ്മും തമ്മില്‍ ശക്തമായ ധാരണയാണുള്ളത്. സിദ്ധാര്‍ഥന്റെ കൊലപാതകത്തിനു പിന്നിലുള്ള ചില പ്രതികളും ഈ ആളുകളുമായി ബന്ധമുള്ളവരാണെന്നും സുരേന്ദ്രന്‍ ആരോപിച്ചു.

പോപ്പുലര്‍ ഫ്രണ്ടുമായുള്ള രാഷ്ട്രീയ ധാരണയുടെ അടിസ്ഥാനത്തിലാണ് അഭിമന്യു കേസ് വിചാരണയ്ക്കെടുക്കാനിരിക്കേ എല്ലാ രേഖകളും അപ്രത്യക്ഷമായത്. കേസ് തെളിയിക്കാനാവശ്യമായ സുപ്രധാനമായ തെളിവുകള്‍ പ്രോസിക്യൂഷന്റെ കൈയ്യില്‍നിന്ന് അപ്രത്യക്ഷമായത് യാദൃശ്ചികമല്ല. അഭിമന്യുവിന്റെ കൊലപാതകം നടന്ന സമയത്തുതന്നെ പിഎഫ്ഐക്കാരായ പ്രതികളെ രക്ഷിക്കാന്‍ സിപിഎം ശ്രമിച്ചിട്ടുണ്ട്. പ്രധാനപ്രതികളെ രക്ഷപ്പെടാന്‍ സഹായിച്ചത് പോലീസ് ആയിരുന്നു, സുരേന്ദ്രന്‍ പറഞ്ഞു.

സിപിഎമ്മിന്റെ ഉന്നത നേതാക്കള്‍ തന്നെയാണ് കൊലക്കേസ് അട്ടിമറിക്കാന്‍ ഇപ്പോള്‍ തെളിവുകള്‍ നശിപ്പിക്കാന്‍ ശ്രമിക്കുന്നത്. പ്രോസിക്യൂഷന്റെ രേഖകള്‍ നഷ്ടമായത് ഉദ്യോഗസ്ഥ തലത്തിലുള്ള കളികള്‍ മാത്രമല്ല, രാഷ്ട്രീയ തലത്തിലുള്ള കളികളുമാണ്. പോപ്പുലര്‍ ഫ്രണ്ടും സിപിഎമ്മും തമ്മില്‍ ശക്തമായ ധാരണയാണുള്ളത്. സിദ്ധാര്‍ഥന്റെ കൊലപാതകത്തിനു പിന്നിലുള്ള ചില പ്രതികളും ഈ ആളുകളുമായി ബന്ധമുള്ളവരാണ്. അതുകൊണ്ടാണ് സിപിഎമ്മും എസ്എഫ്ഐയും ആ കേസില്‍ അങ്ങനെയൊരു മുഖം സ്വീകരിച്ചതെന്നും സുരേന്ദ്രന്‍ ആരോപിച്ചു.

അഭിമന്യു കേസിലെ സുപ്രധാന രേഖകള്‍ എങ്ങനെ നഷ്ടമായി എന്നും പോലീസ് അന്വേഷണത്തില്‍ എന്താണ് കണ്ടെത്താന്‍ സാധിച്ചതെന്നും ആഭ്യന്തര വകുപ്പ് കൈകാര്യം ചെയ്യുന്ന മുഖ്യമന്ത്രി ജനങ്ങളോട് പറയണമെന്നും സുരേന്ദ്രന്‍ ആവശ്യപ്പെട്ടു.

‘ഈ കാടന്‍ ഭരണത്തില്‍ നിയമം എന്നത് അവശേഷിക്കുന്നില്ല’; യുപി സര്‍ക്കാരിനെ വിമര്‍ശിച്ച് പ്രിയങ്ക ഗാന്ധി

കാണ്‍പുരില്‍ പ്രായപൂര്‍ത്തിയാകാത്ത രണ്ട് പെണ്‍കുട്ടികള്‍ കൂട്ടബലാത്സംഗത്തിന് ഇരയായ സംഭവത്തില്‍ ഉത്തര്‍പ്രദേശ് സര്‍ക്കാരിനെതിരേ രൂക്ഷവിമര്‍ശനവുമായി കോണ്‍ഗ്രസ് ജനറല്‍ സെക്രട്ടറി പ്രിയങ്ക ഗാന്ധി. ഈ കാടന്‍ ഭരണത്തില്‍ ഒരു സ്ത്രീയായി ജനിക്കുന്നതു തന്നെ കുറ്റമാണെന്നും നിയമം എന്നത് ഇവിടെ അവശേഷിക്കുന്നില്ലെന്നും അവര്‍ പറഞ്ഞു. സ്ത്രീകള്‍ നീതി തേടുമ്പോള്‍ അവരുടെ കുടുബത്തെ തകര്‍ക്കുകയാണെന്നും പ്രിയങ്ക പറഞ്ഞു. ഹത്രാസ്, ഉന്നാവോ ബലാത്സംഗക്കേസുകളെ പരാമര്‍ശിച്ചുകൊണ്ടായിരുന്നു പ്രിയങ്കയുടെ വിമര്‍ശനം.

‘കൂട്ടബലാത്സംഗത്തിന് ഇരകളായ രണ്ട് പ്രായപൂര്‍ത്തിയാകാത്ത പെണ്‍കുട്ടികള്‍ കാണ്‍പൂരില്‍ ആത്മഹത്യ ചെയ്തു. ഇപ്പോള്‍ അവരുടെ പിതാവും ആത്മഹത്യ ചെയ്തു. ഇരകളുടെ കുടുംബത്തിന് കേസ് ഒത്തുതീര്‍പ്പാക്കാന്‍ സമ്മര്‍ദ്ദം നേരിടുന്നുണ്ടെന്നാണ് ഹത്രാസ്, ഉന്നാവ് എന്നവിടങ്ങളിലെ കേസുകളുമായി താരതമ്യം ചെയ്യുമ്പോള്‍ മനസിലാകുന്നത്’- പ്രിയങ്ക എക്സില്‍ കുറിച്ചു.

‘ഉത്തര്‍പ്രദേശില്‍ ഇരകളായ പെണ്‍കുട്ടികളും സ്ത്രീകളും നീതി തേടുമ്പോള്‍ അവരുടെ കുടുബത്തെ തകര്‍ക്കുന്നത് ഒരു നിയമമായി മാറിയിരിക്കുന്നു. ഉന്നാവ്, ഹത്രാസ്, ഇപ്പോള്‍ കാണ്‍പുരിലും എവിടെയൊക്കെയാണോ സ്ത്രീകള്‍ ആക്രമിക്കപ്പെടുന്നത് അവിടെ അവരുടെ കുടുംബവും തകര്‍ക്കപ്പെടുന്നു. ഈ കാടന്‍ ഭരണത്തില്‍ ഒരു സ്ത്രീയായി ജനിക്കുന്നതു തന്നെ കുറ്റമാണ്. നിയമം എന്നത് ഇവിടെ അവശേഷിക്കുന്നില്ല. സംസ്ഥാനത്തെ കോടിക്കണക്കിന് സ്ത്രീകള്‍ എന്താണ് ചെയ്യുക? അവര്‍ എങ്ങോട്ടാണ് പോവുക?- പ്രിയങ്ക ചോദിച്ചു.

മനുഷ്വത്വത്തെ നാണിപ്പിക്കുന്നതാണ് കാണ്‍പുര്‍ ബലാത്സംഗക്കേസെന്ന് മുന്‍ കേന്ദ്രമന്ത്രിയും കോണ്‍ഗ്രസ് നേതാവുമായ പവന്‍ കുമാര്‍ ബന്‍സാല്‍ പറഞ്ഞു. യുപിയിലെ ‘ഇരട്ട എഞ്ചിന്‍ സര്‍ക്കാര്‍’ ക്രിമിനലുകള്‍ക്ക് കീഴടങ്ങി. രാജ്യത്തെ വനിതാ കമ്മീഷനെവിടെയാണെന്നും എന്തുകൊണ്ടാണ് പീഡിപ്പിക്കുന്നവര്‍ സംരക്ഷിക്കപ്പെടുന്നതെന്നും അദ്ദേഹം ചോദിച്ചു.
ബിജെപി ഭരണത്തില്‍ സ്ത്രീകള്‍ക്കെതിരേയും പ്രായപൂര്‍ത്തിയാവാത്ത കുട്ടികള്‍ക്കെതിരേയും ആക്രമണങ്ങള്‍ വര്‍ധിച്ചുവരുകയാണെന്ന് പറഞ്ഞ കോണ്‍ഗ്രസ് നേതാവ് ഭാരത് സോളങ്കി രാജ്യത്തെ മാധ്യമങ്ങള്‍ നിശബ്ദദമായിരിക്കുകയാണെന്നും കുറ്റപ്പെടുത്തി.

പാര്‍ട്ടി മാറല്‍ പാരമ്പര്യം, ബിജെപിയ്ക്കുള്ള നേട്ടം മെമ്പര്‍ഷിപ്പ് കാശ് മാത്രം; പരിഹസിച്ച് വെള്ളാപ്പള്ളി

പത്മജാ വേണുഗോപാലിന്റെ ബി.ജെ.പി. പ്രവേശനത്തില്‍ വിമര്‍ശിച്ചും പരിഹസിച്ചും എസ്.എന്‍.ഡി.പി. യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. പത്മജ എത്തുന്നത് കൊണ്ട് ബി.ജെ.പിക്ക് എന്തെങ്കിലും ഗുണം കിട്ടുമോ എന്ന ചോദ്യത്തിന്, ആ മെമ്പര്‍ഷിപ്പിന്റെ കാശുകിട്ടും എന്നായിരുന്നു വെള്ളാപ്പള്ളിയുടെ മറുപടി. ആ പ്രയോജനം കിട്ടും ഇപ്പോള്‍. തല്‍ക്കാലം ഇപ്പോള്‍ അതേ കിട്ടൂ എന്നാണ് എനിക്ക് തോന്നുന്നത്, വെള്ളാപ്പള്ളി പരിഹസിച്ചു.

പത്മജയ്ക്ക് കോണ്‍ഗ്രസില്‍നിന്ന് ഒരുപാട് പരിരക്ഷ കിട്ടിയിട്ടുണ്ട്. എം.പിയാക്കാന്‍ നിര്‍ത്തിയിട്ടുണ്ട്. എം.എല്‍.എയാക്കാന്‍ നിര്‍ത്തിയിട്ടുണ്ട്. അച്ഛനുണ്ടായിരുന്ന കാലംതൊട്ട് മരിക്കുന്ന കാലംവരെ എല്ലാ സുഖസൗകര്യങ്ങളും ഗുണങ്ങളും എല്ലാ അര്‍ഥത്തിലും അനുഭവിച്ചയാളാണ് പത്മജ. അത് കൂടാതെ തന്നെ കോണ്‍ഗ്രസില്‍നിന്ന് വിട്ട് മറ്റൊരു കോണ്‍ഗ്രസിലേക്ക് പോവുകയും മറ്റ് ചില ഐക്യമുന്നണിയില്‍ ചെന്നുചേരുകയും ചെയ്ത പാരമ്പര്യമാണ് ഇവര്‍ക്കുള്ളത്.

അതുകൊണ്ട് ഒരു പാര്‍ട്ടിയില്‍ സ്ഥിരമായി നില്‍ക്കുന്നൊരു ശൈലി ഇല്ല. കാരണം കരുണാകരന്റെ കോണ്‍ഗ്രസ് തന്നെ കോണ്‍ഗ്രസില്‍നിന്ന് വിട്ടുപോയിട്ടുണ്ട്. അതുകഴിഞ്ഞ് കരുണാകരന്റെ മകള്‍ ഇപ്പോള്‍ വേറൊരു പാര്‍ട്ടിയിലേക്ക് പോവുക എന്നത് അവരുടെ പാരമ്പര്യവും സ്വഭാവവും പ്രത്യേകതയുമായിരിക്കാം. ഇക്കരെ കണ്ട അക്കരപ്പച്ച തിരക്കി പോകുന്നതാണ്. അവിടെ വലിയ പരിരക്ഷ കിട്ടുമെന്ന് പ്രതീക്ഷിച്ചാണ് പോകുന്നത്, വെള്ളാപ്പള്ളി പറഞ്ഞു.

അവസരം കിട്ടിയില്ല എന്നതിന്റെ പേരില്‍ പാര്‍ട്ടി മാറുന്നത് രാഷ്ട്രീയഭിക്ഷാംദേഹികള്‍ക്ക് നല്ലതായിരിക്കുമെങ്കിലും സാമാന്യബുദ്ധിയുള്ളവര്‍ക്ക് കാണുമ്പോള്‍ അത് മനസ്സിലാകില്ലെന്നും വെള്ളാപ്പള്ളി പറഞ്ഞു. ആന്റണിയുടെ മകന്‍ പോയി എന്നു പറഞ്ഞാല്‍, ഒരു രാഷ്ട്രീയത്തിലേക്കേ പോയിട്ടുള്ളൂ. പല രാഷ്ട്രീയത്തിലേക്ക് പോയിട്ടില്ല. എന്നാല്‍ കരുണാകരന്‍സാറിന്റെ മകള്‍ എത്ര രാഷ്ട്രീയത്തില്‍ വന്നു. കോണ്‍ഗ്രസില്‍നിന്ന് കോണ്‍ഗ്രസ് പിളര്‍ന്ന് വേറൊരു കോണ്‍ഗ്രസുണ്ടാക്കി. ഡി.ഐ.സിയില്‍ പോയി. അങ്ങനെ വേറെ പല മുന്നണിയിലേക്കും പോകാന്‍ ഇടതുപക്ഷത്തേക്ക് വരെ ചെരിഞ്ഞുവെന്നാണ് ഞാന്‍ മനസ്സിലാക്കുന്നത്. ഇങ്ങനെ ചാടിച്ചാടി നടക്കുകയല്ലായിരുന്നോ. എന്തായാലും ബി.ജെ.പിയില്‍ ചെല്ലട്ടെ. ഇനി അവിടെ ചെന്നിട്ട് എന്തുകിട്ടുമെന്ന് കാത്തിരുന്നു കാണാം എന്നും വെള്ളാപ്പള്ളി കൂട്ടിച്ചേര്‍ത്തു.

LEAVE A REPLY

Please enter your comment!
Please enter your name here

Share post:

spot_imgspot_img

Popular

More like this
Related

Why Essay Services Are Important Essay services can...

Online Casinos that Accept Neteller: A Comprehensive Guide

Neteller is an extensively used e-wallet solution that permits...

Online Casino Sites Approving Mastercard: A Comprehensive Guide

When it involves on the internet betting, ease and...

Why You Should Play Free Slot Games Online There are...