നിപ ഭീഷണി പൂര്ണമായി ഒഴിഞ്ഞിട്ടില്ലെന്ന് മുഖ്യമന്ത്രി. ഏഴ് മാസത്തിന് ശേഷമാണ് മുഖ്യമന്ത്രി മാധ്യമങ്ങളെ കണ്ടത്. ആദ്യം തന്നെ മുഖ്യമന്ത്രി നിപയെക്കുറിച്ചാണ് മന്ത്രി സംസാരിച്ചത്. ഇന്ന് വൈകിട്ട 6 മണിക്ക് നടന്ന വാര്ത്ത സമ്മേളനത്തിലാണ് മുഖ്യമന്ത്രി സംസാരിക്കുന്നത്.
1286 പേര് സമ്പര്ക്കപട്ടികയിലുണ്ട്. നിപഭീഷണി പൂര്ണമായി ഒഴിഞ്ഞിട്ടില്ലെന്നും, നിപയെ നേരിടാന് സജ്ജമാണെന്നും മുഖ്യമന്ത്രി പറഞ്ഞു. സമ്പര്ക്ക പട്ടിക ഇനിയും കൂടാന് സാധ്യതയുണ്ട്. സൈക്കോ സോഷ്യല് സപ്പോര്ട്ട് ടീമിനെയും സജ്ജീകരിച്ചിട്ടുണ്ട്.നിപ രണ്ടാം തരംഗത്തിനുള്ള സാധ്യത തള്ളിക്കളയാനാവില്ല.
1286 പേര് നിപ സമ്പര്ക്ക പട്ടികയിലുണ്ട്. 276 പേര് ഹൈറിസ്ക് വിഭാഗത്തിലാണ്. 122 പേര് ബന്ധുക്കളാണ്. 118 ആരോഗ്യ പ്രവര്ത്തകരുണ്ട്. 994 നിരീക്ഷണത്തിലാണ്. 304 സാമ്പിളിള് 256 പേരുടെ ഫലം വന്നു. 6 പോസിറ്റീവ് കേസുകള് റിപ്പോര്ട്ട് ചെയ്യപ്പെട്ടിട്ടുണ്ട്. 9 പേര് ഐസൊലേഷനിലുണ്ട്. മരുന്ന് മുതല് ആംബുലന്സ് അടക്കം എല്ലാം സജ്ജമാണ്. സമ്പര്ക്ക പട്ടിക ഇനിയും കൂടിയേക്കും. ആരോഗ്യമന്ത്രി നേരിട്ടാണ് നിപ പ്രതിരോധത്തിന് നേതൃത്വം നല്കിയത്. എല്ലാവരും പങ്കാളികളായി. മരുന്ന് മുതല് ആംബുലന്സ് അടക്കം എല്ലാം സജ്ജമാണ്. സമ്പര്ക്ക പട്ടിക ഇനിയും കൂടിയേക്കും. സൈക്കോ സോഷ്യല് സപ്പോര്ട്ട് ടീം ഉണ്ടാക്കി. കുഞ്ഞുങ്ങള്ക്ക് പ്രത്യേക മാനസിക പിന്തുണ നല്കി. 1099 പേര്ക്ക് കൗണ്സിലിംഗ് നല്കി. നിപ നിര്ണയത്തിന് ലാബ് സംസ്ഥാനത്ത് സജ്ജമാണ്.
കേരളപ്പിറവി ദിനമായ നവംബര് ഒന്ന് മുതല് ഒരാഴ്ച കേരളീയം എന്ന പേരില് നടത്തുന്ന മഹോത്സവത്തിലൂടെ കേരളത്തിന്റെ നേട്ടം ജനങ്ങളില് എത്തിക്കുകയാണ് ലക്ഷ്യമെന്നും മുഖ്യമന്ത്രി പറഞ്ഞു. അന്താരാഷ്ട്ര നിലവാരത്തിലുള്ള സെമിനാറാണ് മുഖ്യപരിപാടി. ഭാവി കേരളത്തിന്റെ മാര്ഗ രേഖ തയ്യാറാക്കലാണ് ലക്ഷ്യമിടുന്നത്. പ്രദര്ശന മേളകളും നടത്തും. പ്രവാസി മലയാളികള് കേരളീയത്തിന്റെ ഭാഗമാകണം. കേരളീയത്തിന്റെ തുടര്പതിപ്പുകള് ഉണ്ടാകുമെന്നും മുഖ്യമന്ത്രി വാര്ത്താസമ്മേളനത്തില് അറിയിച്ചു.
ഭൂപതിവ് ഭേദഗതി എല്ഡിഎഫ് പ്രകടന പത്രികയില് ഉറപ്പ് പാലിക്കലാണെന്നും മുഖ്യമന്ത്രി. സംസ്ഥാന ചരിത്രത്തിലെ നിര്ണായക നിയമഭേദഗതിയാണ് നടപ്പിലാക്കിയത്. ആറ് പതിറ്റാണ്ട് കാലത്തെ ജനങ്ങളുടെ ഭൂപ്രശ്നങ്ങള്ക്ക് ശാശ്വത പരിഹാരമായി. ഭൂപതിവി ചട്ടത്തിലും മാറ്റം വരുത്തും. സ്വന്തം ഭൂമിയില് അവകാശം ഇല്ലാതെ കഴിയുന്ന ആയിരക്കണക്കിന് കുടുംബങ്ങളുണ്ട്. ഇടുക്കി ഉള്പ്പടെയുള്ള മലയോര മേഖലയിലെ ജനങ്ങള്ക്ക് ഭേദഗതി ആശ്വാസമാകും. വാണിജ്യ മേഖലയിലെ നിര്മ്മാണങ്ങള്ക്ക് ഒരളവ് വരെ ഇളവ് നല്കുമെന്നും മുഖ്യമന്ത്രി അറിയിച്ചു.
എൽഡിഎഫിൽ പുനഃസംഘടന ചർച്ചകൾ നടന്നിട്ടില്ല; മന്ത്രിസഭാ പുനഃസംഘടന തള്ളി മുഖ്യമന്ത്രി
മന്ത്രിസഭാ പുനഃസംഘടന തള്ളി മുഖ്യമന്ത്രി പിണറായി വിജയൻ. എൽഡിഎഫിൽ പുനഃസംഘടന ചർച്ചകൾ നടന്നിട്ടില്ലെന്ന് മുഖ്യമന്ത്രി വാർത്താസമ്മേളനത്തിൽ പറഞ്ഞു. ഏതെങ്കിലും തീരുമാനം നേരത്തെ എടുത്തിട്ടുണ്ടെങ്കിൽ അത് എൽഡിഎഫ് നടപ്പാക്കും. അത് കൃത്യ സമയത്ത് ചർച്ച ചെയ്യുകയും നടപ്പിലാക്കുകയും ചെയ്യുമെന്നും മുഖ്യമന്ത്രി വ്യക്തമാക്കി.
രണ്ടാം പിണറായി സർക്കാർ രണ്ടര വർഷം പൂർത്തിയാക്കുന്ന സാഹചര്യത്തിൽ ഘടകക്ഷികളുടെ മന്ത്രി സ്ഥാനം വച്ചുമാറുമെന്നത് നേരത്തേയുള്ള ധാരണയാണ്. ഇതനുസരിച്ച് ഗതാഗാത മന്ത്രി ആൻറണി രാജുവും തുറമുഖ വകുപ്പ് മന്ത്രി അഹമ്മദ് ദേവർകോവിലും മാറിയേക്കുമെന്നാണ് വിവരം. പകരം കടന്നപ്പള്ളി രാമചന്ദ്രനും കെ ബി ഗണേഷ്കുമാറും മന്ത്രിസഭയിലേക്ക് എത്തിയേക്കും. അടുത്തയാഴ്ച ഇത് സംബന്ധിച്ച ചർച്ചകൾ നടന്നേക്കും. ഗതാഗതവകുപ്പ് വേണ്ടെന്ന് കെബി ഗണേഷ്കുമാർ നേരത്തേ അറിയിച്ചിട്ടുണ്ട്.
എകെ ശശീന്ദ്രന് ഗതഗാതം കൊടുത്ത് ഗണേഷിന് വനം വകുപ്പ് കൊടുക്കാനും നീക്കമുണ്ട്. രണ്ടാം പിണറായി സർക്കാരിന്റെ പ്രകടനം ആദ്യ സർക്കാരിനോളം മികച്ചതല്ലെന്ന വിമർശനം വ്യപകമാണെന്നും, പുതുപ്പള്ളി തെരഞ്ഞെടുപ്പ് ഫലം വന്നതോടെ ഭരണവിരുദ്ധ വികാരം ശക്തമാണെന്ന വിലയിരുത്തലുമുണ്ടെന്നും, സിപിഎമ്മിന്റെ മന്ത്രിമാരുടെ കാര്യത്തിലും മാറ്റമുണ്ടായേക്കും. ആരോഗ്യമന്ത്രി വീണ ജോർജ്ജിനെ സ്പീക്കറാക്കിയുള്ള അഴിച്ചുപണിയും പരിഗണനയിലുണ്ടെന്നും മുഖ്യമന്ത്രി വ്യക്തമാക്കി.
”ജനങ്ങള് ഇഷ്ടപ്പെടുന്ന നടന് വാക്കുകളിലൂടെ അതില്ലാതാക്കരുത്” ; നടന് അലന്സിയര് നടത്തിയ വിവാദ പരാമര്ശത്തില് പ്രതികരിച്ച് മുഖ്യമന്ത്രി
അമ്പത്തിമൂന്നാമത് സംസ്ഥാന ചലച്ചിത്ര പുരസ്ക്കാര ചടങ്ങിനിടെ നടന് അലന്സിയര് നടത്തിയ വിവാദ പരാമര്ശത്തില് പ്രതികരിച്ച് മുഖ്യമന്ത്രി.ജനങ്ങള് ഇഷ്ടപ്പെടുന്ന നടന് അത്തരത്തിലൊരു പരാമര്ശം നടത്താന് പാടില്ലായിരുന്നെന്നും വാക്കുകളിലൂടെ നടനോടുള്ള ഇഷ്ടം കളയരുതെന്നും മുഖ്യമന്ത്രി പറഞ്ഞു. നീണ്ട ഏഴുമാസത്തെ ഇടവേളക്ക് ശേഷം നടന്ന വാര്ത്താ സമ്മേളനത്തിനിടയിലായിരുന്നു മുഖ്യമന്ത്രിയുടെ പ്രതികരണം.
സംസ്ഥാന ചലച്ചിത്ര പുരസ്കാര വേദിയില് സ്ത്രീവിരുദ്ധ പരാമര്ശം നടത്തിയ നടന് അലന്സിയറിനെതിരേ വ്യാപക പ്രതിഷേധം ഉയര്ന്നിരുന്നു.ആണ്കരുത്തുള്ള മുഖ്യമന്ത്രി ഭരിക്കുന്ന നാട്ടില് ആണ്കരുത്തുള്ള ശില്പം തരണമെന്നും പെണ്പ്രതിമ തന്ന് തങ്ങളെ പ്രലോഭിപ്പിക്കരുതെന്നും ചലച്ചിത്ര അവാര്ഡിലെ സ്ത്രീ ശില്പം മാറ്റി ആണ്കരുത്തുള്ള ശില്പമാക്കണമെന്നും ആണ് രൂപമുള്ള ശില്പം ഏറ്റുവാങ്ങുന്ന അന്ന് അഭിനയം മതിയാക്കുമെന്നും പറഞ്ഞുകൊണ്ട് സംസ്ഥാന ചലച്ചിത്ര വേദിയില് അലന്സിയര് നടത്തിയ പരാമര്ശമാണ് വിവാദങ്ങളിലേക്ക് വഴിയൊരുക്കിയത്. അപ്പന് എന്ന സിനിമയിലെ പ്രകടനത്തിന് പ്രത്യേക ജൂറി പുരസ്കാരം ഏറ്റുവാങ്ങിയ ശേഷമായിരുന്നു അലന്സിയറുടെ വിവാദ പരാമര്ശം.
കഴിഞ്ഞ ദിവസം സംസ്ഥാന ചലച്ചിത്ര അവാര്ഡ് വിതരണ ചടങ്ങില് അലന്സിയര് നടത്തിയ വിവാദ പ്രസ്താവനയില് പ്രതികരണം ചോദിച്ചപ്പോള് റിപ്പോര്ട്ടര് ചാനലിലെ വനിത മാധ്യമ പ്രവര്ത്തകയോട് അലന്സിയര് അപമര്യാദയായി പെരുമാറിയതിനെ തുടര്ന്ന് നടനെതിരെ വനിത കമ്മിഷന് സ്വമേധയാ കേസെടുത്തിരുന്നു.സംഭവം സംബന്ധിച്ച് തിരുവനന്തപുരം റൂറല് എസ്പി ഡി. ശില്പ്പയോട് വനിത കമ്മിഷന് റിപ്പോര്ട്ട് ആവശ്യപ്പെട്ടിട്ടുണ്ട്.
വിഷയം സോഷ്യല് മീഡിയയും കടന്ന് ഇതിനോടകം വ്യാപക ചര്ച്ചയ്ക്ക് വഴിയൊരുക്കിയിട്ടുണ്ട്. സിനിമാമേഖലയിലെ പ്രമുഖരുള്പ്പെടെ സംഭവത്തില് പ്രതികരണവുമായി രംഗത്തെത്തിയിട്ടുണ്ട് .ഹരീഷ് പേരടി, ശ്രുതി ശരണ്യം, ശീതള് ശ്യാം, ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി തുടങ്ങി നിരവധി ആളുകളാണ് സാമൂഹിക മാധ്യമത്തിലൂടെ പ്രതിഷേധം അറിയിച്ചത്.
ഒരു പെണ് പുരസ്ക്കാര പ്രതിമ കാണുമ്പോള് ലിംഗം ഉദ്ധരിക്കുന്നുണ്ടെങ്കില് അത് മാനസികരോഗം മൂര്ച്ചിച്ചതിന്റെ ലക്ഷണമാണെന്നാണ് വിഷയത്തില് നടന് ഹരീഷ് പേരടി പ്രതികരിച്ചത്.അതേസമയം അലന്സിയറിനെപ്പോലുള്ള ഒരാളുടെ ഭാഗത്ത് നിന്ന് ഇങ്ങനെയൊരു പരാമര്ശം വന്നതില് അത്ഭുതമില്ലെന്നും വളരെ പരസ്യമായി സ്ത്രീവിരുദ്ധത സംസാരിക്കുന്ന വ്യക്തിയാണെന്നുമാണ് ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി നടനെതിരെ പ്രതികരിച്ചത്.സ്ത്രീശാക്തീകരണത്തെ തകര്ക്കുന്ന, പരുഷാധിപത്യത്തെ ആഘോഷിക്കുന്ന ഫിലിം കണ്ടന്റിനെ പ്രോത്സാഹിപ്പിക്കരുതെന്ന് മുഖ്യമന്ത്രി പ്രസംഗിച്ചതിന് പിന്നാലെ അലന്സിയര് നടത്തിയ പ്രസംഗത്തോട് വിയോജിപ്പ് രേഖപ്പെടുത്തുന്നുവെന്നായിരുന്നു സംവിധായിക ശ്രുതി ശരണ്യത്തിന്റെ പ്രതികരണം.
മാസപ്പടി വിവാദം; മകള് വീണാ വിജയനിലൂടെ തന്നിലേക്കെത്താനാണ് ആദായ നികുതി വകുപ്പിന്റെ ശ്രമം: മുഖ്യമന്ത്രി
ചോദ്യങ്ങളെ ഭയപ്പെട്ടിട്ടല്ല മാധ്യമങ്ങളെ കാണാതിരുന്നതെന്നും അതിന് കാരണമുണ്ടായിരുന്നെന്നും വ്യക്തമാക്കി മുഖ്യമന്ത്രി പിണറായി വിജയന്. ഏഴ് മാസങ്ങള്ക്ക് ശേഷം വാര്ത്താസമ്മേളനം നടത്തിയ മുഖ്യമന്ത്രി മാസപ്പടി വിവാദത്തിലും പുതുപ്പള്ളി തിരഞ്ഞെടുപ്പ് തോല്വി സംബന്ധിച്ചും പ്രതികരിച്ചു. മകള് വീണാ വിജയനിലൂടെ തന്നിലേക്കെത്താനാണ് ആദായ നികുതി വകുപ്പ് ശ്രമിച്ചതെന്നും മാസപ്പടി വിവാദത്തില് മുഖ്യമന്ത്രി വ്യക്തമാക്കി.
മാധ്യമങ്ങളെ വേണ്ട എന്നുവെച്ചിരുന്നെങ്കില് ഇപ്പോള് താന് വരുമോയെന്നും അദ്ദേഹം ചോദിച്ചു. ‘മാധ്യമങ്ങളെ കാണുന്നതില് ഗ്യാപ്പ് വന്നതിന് മറ്റു പ്രശ്നങ്ങളൊന്നുമില്ല. എല്ലാ ദിവസവും നിങ്ങളെ കാണറില്ലായിരുന്നല്ലോ, ആവശ്യമുള്ളപ്പോള് കാണും, അത് ഇനിയും ഉണ്ടാകും. ചില പ്രത്യേക പ്രശ്നങ്ങളുണ്ടായിരുന്നു. ശബ്ദത്തിന് ഒരു പ്രശ്നംവന്നു. അങ്ങനെയുള്ള കാര്യങ്ങളൊക്കെ ബാധിച്ചിട്ടുണ്ട്. ചോദ്യങ്ങളെ ഞാന് ഭയപ്പെട്ടിട്ടുണ്ടോ? ചോദിക്കുന്നതിന് മറുപടി പറയാറുണ്ട്. അതില് അസ്വാഭാവികതയും ഇല്ല’ മുഖ്യമന്ത്രി പറഞ്ഞു.
പുനഃസംഘടന മാധ്യമങ്ങള് ഉണ്ടാക്കിയ ഒരു അജണ്ടയാണ്. പുനഃസംഘടന എല്ഡിഎഫിനകത്ത് ഒരു ചര്ച്ചാ വിഷയമേയല്ല. ഏതെങ്കിലും തരത്തിലുള്ള തീരുമാനം മുമ്പ് എടുത്തിട്ടുണ്ടെങ്കില് അത് കൃത്യ സയമത്ത് തന്നെ നടപ്പാക്കും.
സോളാര് ഗൂഢാലോചനയുടെ കാര്യങ്ങള് പുറത്ത് വരാനിരിക്കുന്നതേയുള്ളൂ. ഇപ്പോള് ഇത്തരം കാര്യങ്ങള് പുറത്ത് വന്നതിന്റെ ഉദ്ദേശ്യം എന്തായിരുന്നു. മുഖ്യമന്ത്രി സ്ഥാനത്തിരിക്കുന്ന പിണറായിയെ ആണോ മരിച്ചുപോയ ഉമ്മന്ചാണ്ടിയെ ആണോ അത് ബാധിക്കുക എന്ന് പരിശോധിച്ചാല് മതി. അതുകൊണ്ടാണല്ലോ അവര്ക്കിടയില് പ്രശ്നമായതെന്നും മുഖ്യമന്ത്രി പറഞ്ഞു.
ഇറക്കി വിട്ടയാള്ക്ക് പിന്നീട് കാണാന് ധൈര്യം വരില്ലല്ലോ എന്നായിരുന്നു ദല്ലാള് നന്ദകുമാറിന്റെ കൂടിക്കാഴ്ചയുമായി ബന്ധപ്പെട്ടചോദ്യത്തിനുള്ള മറുപടി.
മാസപ്പടിയുമായി ബന്ധപ്പെട്ട റിപ്പോര്ട്ടില് തന്റെ ചുരുക്കപ്പേര് ഉണ്ടാകാനേ സാധ്യതയില്ലെന്നും പിണറായി വിജയന് പറഞ്ഞു. ‘എത്ര പി.വിമാരുണ്ട് ഈ നാട്ടില്. ബിജെപി സര്ക്കാരിന്റെ ഉദ്യോഗസ്ഥര് ഊഹിച്ചതിന് ഞാന് എന്ത് പറയാനാണ്. ഇത്തരമൊരു കാര്യത്തില് എന്റെ സ്ഥാനമെടുത്ത് ഉപയോഗിച്ചത് എന്തിനാണ്. ഇന്നയാളുടെ ബന്ധുവാണ് എന്ന് എന്തിനാണ് പറയുന്നത്.
കൃത്യമായ ഉദ്ദേശം അവര്ക്കുണ്ട്. ആ ഉദ്ദേശം കൃത്യമായ ആളെ പറയലല്ല, ആ ആളിലൂടെ എന്നിലേക്കെത്തലാണ്. ആ രാഷ്ട്രീയം മനസ്സിലാക്കാന് കഴിയത്താവരാണ് മാധ്യമങ്ങളെന്ന് പറയുന്നില്ല. ബന്ധപ്പെട്ട ആളോട് പ്രതികരണമെങ്കിലും ഏജന്സി തേടേണ്ടതായിരുന്നു. ഈ കണക്കുകളെല്ലാം മറച്ചുവെച്ചതല്ല. കണക്കുകളെല്ലാം സുതാര്യമായിരുന്നു. പിണറായി വിജയനെ ഇടിച്ചുതാഴ്ത്താനാണ് ശ്രമിക്കുന്നത്. അതിനെ കുടുംബാംഗങ്ങളെ കൂടി ഉപയോഗപ്പെടുത്താമെന്നാണ് നോക്കുന്നത്’ മുഖ്യമന്ത്രി പറഞ്ഞു.
സമൂഹത്തില് ആരും പ്രതീക്ഷിക്കാത്ത കാര്യമാണ് ജാതി വിവേചനം, നടപടി സ്വീകരിക്കണം: മുഖ്യമന്ത്രി
തിരുവനന്തപുരം: ദേവസ്വം മന്ത്രി കെ. രാധാകൃഷ്ണന് ജാതി വിവേചനം നേരിട്ടതായുള്ള വെളിപ്പെടുത്തല് ഞെട്ടിക്കുന്നതാണെന്ന് മുഖ്യമന്ത്രി പിണറായി വിജയന്. നമ്മുടെ സമൂഹത്തില് ആരും പ്രതീക്ഷിക്കാത്ത കാര്യമാണ് നടന്നതെന്നും മന്ത്രിയുമായി ചര്ച്ച ചെയ്ത് വിഷയത്തില് വേണ്ട നടപടി സ്വീകരിക്കുമെന്നും മുഖ്യമന്ത്രി വ്യക്തമാക്കി.
മന്ത്രി രാധാകൃഷ്ണന്റെ വെളിപ്പെടുത്തല് വല്ലാതെ ഞെട്ടിപ്പിക്കുന്നതാണ്. മന്ത്രിയുമായി നേരിട്ട് സംസാരിക്കാന് ആയിട്ടില്ല. അതുകൊണ്ട് എന്താണ് സംഭവിച്ചതെന്ന് എനിക്ക് കൃത്യമായി മനസ്സിലാക്കാന് സാധിച്ചിട്ടില്ല.
പക്ഷേ പറഞ്ഞതില് നിന്ന് കാര്യങ്ങള് വ്യക്തമാണ്. നമ്മുടെ സമൂഹത്തില് നടക്കുമെന്ന് ആരും പ്രതീക്ഷിക്കാത്ത ഒരു കാര്യമാണ് സംഭവിച്ചിരിക്കുന്നത്. അതുമായി ബന്ധപ്പെട്ട് അദ്ദേഹത്തിന്റെ കൂടി അഭിപ്രായമറിഞ്ഞ ശേഷം എന്ത് നടപടി സ്വീകരിക്കണോ ആ യുക്തമായ നടപടി സ്വീകരിക്കുക തന്നെ വേണം.- മുഖ്യമന്ത്രി പറഞ്ഞു.
