തിരുവനന്തപുരം പേട്ടയില്‍ രണ്ട് വയസുകാരി പെൺകുട്ടിയെ തട്ടികൊണ്ടുപോയി

തിരുവനന്തപുരം പേട്ടയില്‍ നിന്ന് രണ്ട് വയസുകാരി പെൺകുട്ടിയെ തട്ടികൊണ്ടുപോയി. സഹോദരങ്ങളുടെ കൂടെ ഉറങ്ങികിടന്നിരുന്ന കുഞ്ഞിനെയാണ് അജ്ഞാതര്‍ തട്ടികൊണ്ടുപോയതെന്ന് രക്ഷിതാക്കള്‍ വ്യക്തമാക്കുന്നത്. ബിഹാർ ദമ്പതികളുടെ മകളായ രണ്ടുവയസുകാരി മേരിയെ ആണ് തട്ടികൊണ്ടുപോയത്.

പൊലീസ് വ്യപകമായ തിരച്ചില്‍ ആരംഭിച്ചു കഴിഞ്ഞു. ഒരു ആക്ടീവ സ്‌കൂട്ടര്‍ അടുത്ത് വന്നതായും രക്ഷിതാക്കള്‍ സംശയം പ്രകടിപ്പിക്കുന്നുണ്ട്. രാത്രി ഒരു മണിയോടെ എഴുന്നേറ്റ് നോക്കിയപ്പോഴാണ് കുട്ടിയെ കാണാതായ വിവരം അറിയുന്നത്. മൂന്ന് ആണ്‍കുട്ടികളും ഒരു പെണ്‍കുട്ടിയുമാണ് ഉണ്ടായിരുന്നത്. ഹൈദരാബാദ് എൽ പി നഗർ സ്വദേശികളാണ് ഇവര്‍. അമർദ്വീപ് – റമീനദേവി ദമ്പതികളുടെ മകളെയാണിപ്പോൾ തട്ടിക്കൊണ്ട് പോയത്. ഇവരെല്ലാം ഒന്നിച്ചാണ് ഉറങ്ങാൻ കിടന്നത്. ഇക്കൂട്ടത്തിൽ നിന്നാണ് പെൺകുഞ്ഞിനെ തട്ടിക്കൊണ്ടുപോയിരിക്കുന്നത്. പൊലീസ് സിസിടിവി ദൃശ്യങ്ങള്‍ ഉള്‍പ്പെടെ പരിശോധിച്ചുവരികയാണ്. നഗരത്തില്‍ മുഴുവന്‍ പരിശോധന നടക്കുന്നുണ്ടെന്നും പൊലീസ് അറിയിച്ചു.

വിവരം കിട്ടുന്നവർ അറിയിക്കുക – 04712743195

കൺട്രോൾ റൂം – 112

ടി.പി വധക്കേസ്: വെറുതെവിടണമെന്ന പ്രതികളുടെ അപ്പീൽ ഹൈക്കോടതി തള്ളി, രണ്ടുപേരെ വെറുതേവിട്ടത് റദ്ദാക്കി

ആർ.എം.പി. നേതാവായിരുന്ന ടി.പി. ചന്ദ്രശേഖരൻ വധക്കേസിൽ അപ്പീലുകളിൽ ഹൈക്കോടതിയുടെ സുപ്രധാന വിധി. വെറുതെവിടണമെന്ന പ്രതികളുടെ അപ്പീൽ കോടതി തള്ളി. വിചാരണ കോടതി വിധി ഹൈക്കോടതി ശരിവെച്ചു. രണ്ടുപേരെ വെറുതെവിട്ട വിചാരണക്കോടതിയുടെ നടപടി ഹൈക്കോടതി റദ്ദാക്കുകയും ചെയ്തു. എല്ലാ പ്രതികളും ഈമാസം 26-ന് ഹാജരാകണമെന്ന് കോടതി നിർദേശിച്ചു.

ടി.പി. വധക്കേസിൽ 10, 12 പ്രതികളായിരുന്ന ഒഞ്ചിയം ഏരിയ കമ്മിറ്റി മുൻ അംഗം കെ.കെ. കൃഷ്ണൻ, കുന്നോത്തുപറമ്പ് ലോക്കൽ കമ്മിറ്റിൻ മുൻ അംഗം ജ്യോതിബാബു എന്നിവരെ വെറുതേവിട്ട നടപടിയാണ് ഹൈക്കോടതി റദ്ദാക്കിയത്. അതേസമയം പി.മോഹനനെ വെറുതെ വിട്ടത് കോടതി ശരിവെച്ചു.

12 പ്രതികൾ ശിക്ഷാവിധിക്കെതിരേ നൽകിയ അപ്പീലും പരമാവധിശിക്ഷ നൽകണമെന്ന പ്രോസിക്യൂഷന്റെ അപ്പീലും സി.പി.എം. നേതാവ് പി. മോഹനനടക്കമുള്ളവരെ കേസിൽ വെറുതേവിട്ടതിനെതിരേ ചന്ദ്രശേഖരന്റെ ഭാര്യ കെ.കെ. രമ എം.എൽ.എ. നൽകീയ അപ്പീലിലുമാണ് ഡിവിഷൻ ബെഞ്ച് പരിഗണിച്ചത്. നേരത്തെ വിചാരണ കോടതി 12 പേരെയാണ് ജീവപര്യന്തം കഠിനതടവിന് ശിക്ഷിച്ചത്. ഇവരുടെ ശിക്ഷ റദ്ദാക്കണമെന്ന് ആവശ്യപ്പെട്ടുകൊണ്ടായിരുന്നു പ്രതികൾ ഹൈക്കോടതിയിൽ എത്തിയത്. എന്നാൽ, പ്രതികൾക്ക് പരമാവധി ശിക്ഷ നൽകണമെന്നായിരുന്നു സർക്കാരിന്റെ ആവശ്യം. പി. മോഹനൻ അടക്കം വെറുതെവിട്ട 24 പേരെ ശിക്ഷിക്കണമെന്ന് ആവശ്യപ്പെട്ട് ടി.പി. ചന്ദ്രശേഖരന്റെ ഭാര്യ കെ.കെ. രമയും ഹൈക്കോടതിയിൽ ഹർജി നൽകിയിരുന്നു.
36 പ്രതികൾ ഉണ്ടായിരുന്ന കേസിൽ, കൊലയാളി സംഘാംഗങ്ങളായ ഏഴുപേരടക്കം 12 പ്രതികളാണ് ശിക്ഷിക്കപ്പെട്ടത്. എം.സി. അനൂപ്, കിർമാണി മനോജ്, കൊടി സുനി, മുഹമ്മദ് ഷാഫി, ടി.കെ രാജീവൻ അടക്കം ഏഴുപേരായിരുന്നു കൊലയാളി സംഘത്തിൽ ഉണ്ടായിരുന്നത്. പന്ത്രണ്ടുപേരിൽ മൂന്നുപേർ സി.പി.എമ്മുമായി ബന്ധപ്പെട്ട പ്രധാന ആളുകളായിരുന്നു. ഇതിൽ പി.കെ. കുഞ്ഞനന്തൻ ശിക്ഷാകാലയളവിൽ മരിച്ചിരുന്നു. ലോക്കൽ കമ്മിറ്റി അംഗമായിരുന്ന കെ.സി. രാമചന്ദ്രൻ, ട്രൗസർ മനോജ് ഉൾപ്പടെയുള്ളവരെ ജീവപര്യന്തം തടവിനും പ്രതികളിൽ ഒരാളായ ലംബു പ്രദീപിന് മൂന്നു വർഷം കഠിന തടവും വിചാരണകോടതി ശിക്ഷ വിധിച്ചിരുന്നു.

2012 മേയ് നാലിനാണ് ആർഎംപി സ്ഥാപക നേതാവ് ടി.പി. ചന്ദ്രശേഖരനെ വടകര വള്ളിക്കോട് വെച്ച് അക്രമി സംഘം ബോംബെറിഞ്ഞു വീഴ്ത്തിയ ശേഷം വെട്ടിക്കൊലപ്പെടുത്തിയത്. സിപിഎമ്മിൽനിന്ന് വിട്ടുപോയി സ്വന്തമായി പാർട്ടിയുണ്ടാക്കിയ ചന്ദ്രശേഖരനോടുള്ള പകവീട്ടുന്നതിന് സിപിഎമ്മകാരായ പ്രതികൾ കൊലപാതകം നടത്തി എന്നാണ് കേസ്.

‘സിംഹങ്ങള്‍ക്ക് സീതയെന്നും അക്ബറെന്നും പേരിട്ടത് അപമാനകരം’; ഉദ്യോഗസ്ഥര്‍ക്കെതിരെ നടപടി വേണമെന്ന് വിഎച്ച്പി

പശ്ചിമബംഗാളിലെ സിലിഗുരി സഫാരി പാര്‍ക്കില്‍ സീത എന്ന പെണ്‍സിംഹത്തെ അക്ബര്‍ എന്ന ആണ്‍സിംഹത്തോടൊപ്പം കൂട്ടില്‍ പാര്‍പ്പിച്ചതിനെ എതിര്‍ത്ത് ബംഗാളിലെ വിഎച്ച്പി നടത്തുന്ന പ്രതിഷേധത്തെ പിന്തുണച്ച് വിഎച്ച്പി ദേശീയനേതൃത്വം. പശ്ചിമ ബംഗാള്‍ പ്രീണന രാഷ്ട്രീയത്തിന്റെ കേന്ദ്രമായെന്ന് വിഎച്ച്പി കുറ്റപ്പെടുത്തി.

സിംഹങ്ങള്‍ക്ക് സീതയെന്നും അക്ബറെന്നും പേര് നല്‍കിയ വനംവകുപ്പ് ഉദ്യോഗസ്ഥര്‍ക്കെതിരെ ശിക്ഷാനടപടി സ്വീകരിക്കണമെന്നും വിഎച്ച്പി ദേശീയ നേതൃത്വം ആവശ്യപ്പെട്ടു. ഉത്സവങ്ങള്‍ സംഘടിപ്പിക്കാനും വിശ്വാസത്തിന്റെ കേന്ദ്രങ്ങള്‍ സംരക്ഷിക്കാനും ഹൈക്കോടതിയില്‍ പോകേണ്ട സാഹചര്യമാണെന്നും വിഎച്ച്പി ചൂണ്ടിക്കാണിച്ചു. സിംഹങ്ങള്‍ക്ക് സീതയെന്നും അക്ബറെന്നും പേര് നല്‍കിയത് അപമാനകരമാണെന്നും ഇക്കാര്യത്തില്‍ വനം വകുപ്പ് ഉദ്യോഗസ്ഥര്‍ക്ക് പരാതി നല്‍കിയിട്ടും ഫലമുണ്ടായില്ലെന്നും വിഎച്ച് പി പറഞ്ഞു.

അതേസമയം, പെണ്‍സിംഹത്തിന്റെ സീത എന്ന പേര് മാറ്റി പുതിയ പേരിടണമെന്ന് കോടതിയില്‍ പുതിയ അപേക്ഷ നല്‍കുമെന്ന് അഭിഭാഷകന്‍ ശുഭാങ്കര്‍ ദത്ത പറഞ്ഞു. പ്രധാന ഹര്‍ജിക്കൊപ്പമായിരിക്കും പുതിയ അപേക്ഷ നല്‍കുക. ആരാധനമൂര്‍ത്തികളുടെ പേര് മൃഗങ്ങള്‍ക്ക് നല്‍കരുതെന്നും പേര് മാറ്റാന്‍ ബംഗാള്‍ സര്‍ക്കാര്‍ തയ്യാറാകണമെന്നും അഭിഭാഷകന്‍ അഭിപ്രായപ്പെട്ടു. വിശ്വാസികളുടെ വികാരത്തെ വ്രണപ്പെടുത്തുന്നതിനാലാണ് കോടതിയില്‍ എത്തിയത്. കോടതിയില്‍ നിന്ന് അനൂകൂല തീരുമാനമുണ്ടാകുമെന്ന് പ്രതീക്ഷിക്കുന്നതായും അഭിഭാഷകന്‍ വ്യക്തമാക്കി.

ഫെബ്രുവരി 16 നാണ് കൊല്‍ക്കത്ത ഹൈക്കോടതിയുടെ ജല്‍പൈഗുരി ബെഞ്ചിന് മുന്നില്‍ വിചിത്ര ഹര്‍ജി എത്തിയത്. അക്ബര്‍ സിംഹത്തെ സീത സിംഹത്തോടൊപ്പം പാര്‍പ്പിക്കരുതെന്നായിരുന്നു ഹര്‍ജി.വിശ്വ ഹിന്ദു പരിഷത്തിന്റെ ബംഗാള്‍ ഘടകത്തിന്റെ ഹര്‍ജി ഈ മാസം 20ന് പരിഗണിക്കും.

അടുത്തിടെയാണ് ത്രിപുരയിലെ സെപാഹിജാല പാര്‍ക്കില്‍ നിന്നാണ് സിംഹങ്ങളെ ഇവിടേക്ക് എത്തിച്ചത്. പാര്‍ക്കിലെ മൃഗങ്ങളെ പേരുകള്‍ മാറ്റാറില്ലെന്നാണ് സഫാരി പാര്‍ക്ക് അധികൃതര്‍ പറയുന്നത്. സംസ്ഥാന വനംവകുപ്പിനേയും ബംഗാള്‍ സഫാരി പാര്‍ക്കിനേയും എതിര്‍ കക്ഷികളാക്കിയാണ് വിശ്വ ഹിന്ദു പരിഷത്തിന്റെ ഹര്‍ജി. പാര്‍ക്കിലെത്തുന്നതിന് മുന്‍പ് തന്നെ സിംഹങ്ങള്‍ക്ക് പേരുണ്ടെന്നാണ് ബംഗാള്‍ വനംവകുപ്പ് വിശദീകരിക്കുന്നത്.

പിസി ജോർജ് ബി.ജെ.പിയിലെത്തിയത് അബദ്ധമോ?

ലോക്സഭ തിരഞ്ഞെടുപ്പിനെ നേരിടാൻ പ്രമുഖ പാർട്ടികളെല്ലാവരും സ്ഥാനാർത്ഥിയെ തിരഞ്ഞെടുക്കുന്ന തിരക്കിലാണ്. അതിനിടയിലാണ് പത്തനംതിട്ടയിലെ ബിജെപി സ്ഥാനാർത്ഥിയെ സംബന്ധിച്ച് എൻഡിഎയിൽ ആശയക്കുഴപ്പമുണ്ടാക്കിയിരുന്നത്.

കേരള ജനപക്ഷം പാർട്ടി ബിജെപിയിൽ ലയിപ്പിച്ചാണ് പിസി ജോർജ്ജ് എൻഡിഎയിൽ അംഗത്വമെടുത്തത്. പത്തനംതിട്ടയിലെ ബിജെപി സ്ഥാനാർത്ഥിയായി മത്സരിപ്പിച്ചേക്കാമെന്നുള്ള വലിയ ഓഫറുകളാണ് പിസിക്ക് ബിജെപിയും നൽകിയത്. പക്ഷേ തിരഞ്ഞെടുപ്പ് അടുത്തപ്പോൾ ബിജെപി ആരെ ഇറക്കുമെന്നാണ് ചർച്ചയുയരുന്നത്. പിസിവേണ്ടെന്നുള്ള നിലപാടാണ് ബിജെപി നേതാക്കൾ ഉയർത്തുന്നതും. പാർട്ടിയിലെ തന്നെ മുതിർന്ന നേതാക്കൾ മത്സരിക്കമെന്നാണ് ബിജെപിയിലെ നേതാക്കൾ ഒന്നടങ്കം പറയുന്നത്.

എൽഡിഎഫിനായി തോമസ് ഐസക്കും യുഡിഎഫിനായി ആന്റോ ആന്റണിയുമെന്ന് ഏറെക്കുറെ ഉറപ്പിച്ച മട്ടാണ്. ഇതിനിടയിൽ കേന്ദ്ര നേതൃത്വത്തിന്റെ നിർദേശത്തെ തുടർന്ന് ബിജെപി നടത്തിയ അഭിപ്രായ സർവേയിൽ കെ സുരേന്ദ്രൻ മത്സരിക്കണമെന്ന് ഭൂരിഭാഗം ഭാരവാഹികളും ആവശ്യപ്പെട്ടു. മുതിർന്ന നേതാവ് പി കെ കൃഷ്ണദാസാണ് ജില്ലാ ഭാരവാഹികളോടും മണ്ഡലം പ്രസിഡന്റുമാരോടും നേരിട്ട് അഭിപ്രായം തേടിയത്. പി സി ജോർജ്ജിന് പകരം കെ സുരേന്ദ്രൻ തന്നെ മത്സരിക്കണമെന്ന് ഭൂരിഭാഗവും ആവശ്യപ്പെട്ടു.
കഴിഞ്ഞ തിരഞ്ഞെടുപ്പിൽ ബിജെപി സംസ്ഥാന പ്രസിഡന്റ് കെ സുരേന്ദ്രൻ മത്സരിച്ച മണ്ഡലമാണ് പത്തനംതിട്ട. മൂന്ന് ലക്ഷത്തോളം വോട്ടുകൾ നേടുകയും ചെയ്തിരുന്നു. ബിജെപിയെ സംബന്ധിച്ചിടത്തോളം 3 ലക്ഷം വോട്ട് നേടിയിട്ട് ഈ വർഷം അതിനേക്കാൾ വോട്ട് കുറഞ്ഞാൽ പാർട്ടിക്ക് വലിയൊരു ക്ഷീണം തന്നെയാണെന്ന് പ്രവർത്തകരും പറയുന്നത്.

എൻ ഡി എയിലെ പ്രധാന കക്ഷിയായ ബിഡിജെഎസ്സിനാണ് പി സി ജോർജ്ജിനെ വേണ്ട എന്ന് നിലപാടെടുത്തിരിക്കുന്നത്. വെള്ളാപ്പള്ളി നടേശൻ പിസിയെ വളഞ്ഞിട്ട് ആക്രമിക്കുന്നതിന് പിന്നിലും ബിഡിജെഎസ് നേതാക്കളുടെ താൽപര്യമാണ്. പിസി ജോർജ് കേരള രാഷ്ട്രീയം കണ്ട ഏറ്റവും വലിയ ദരിദ്രവാസിയെന്നാണ് കഴിഞ്ഞദിവസം വെള്ളാപ്പള്ളി നടേശൻ പറഞ്ഞത്. കേരള രാഷ്ട്രീയ ചരിത്രം എടുത്തു നോക്കുകയാണെങ്കിൽ ഇത്രയും അപഹാസ്യനായ മറ്റൊരു നേതാവില്ല. പിസിയെ കേരളത്തിൽ ആരും വിശ്വസിക്കില്ല. എങ്ങും ഇടമില്ലാതെ വന്നപ്പോഴാണ് പിസി ബിജെപിയിൽ ചേർന്നതെന്നും വെള്ളാപ്പള്ളി നടേശൻ പരിഹസിച്ചിരുന്നു. ലോക്‌സഭ തെരഞ്ഞെടുപ്പിൽ മത്സരിച്ചാൽ പിസി ജോർജിന് ദയനീയ വെള്ളാപ്പള്ളി നടേശൻ വ്യക്തമാക്കിയിരുന്നു. കടുത്ത ഭാഷയിലാണ് വെള്ളാപ്പള്ളി പിസിക്കെതിരെ രംഗത്തെത്തിയിരുന്നത്.

പത്തനംതിട്ടയിൽ സ്ഥാനാർഥിയാക്കുമെന്ന ഉറപ്പ് വാങ്ങിയാണ് സ്വന്തം പാർട്ടി പോലും ഇല്ലാതാക്കി പി സി ജോർജ്ജ് ബിജെപി പാളയത്തിലെത്തിയത്. എന്നാൽ അഭിപ്രായ സർവേയും ഘടക കക്ഷികളുടെ എതിർപ്പും ജോർജ്ജിന് എതിരാണ്. പത്തനംതിട്ടയുടെ തൊട്ടടുത്ത് കിടക്കുന്ന കോട്ടയം സീറ്റിലേക്ക് പിസിയെ മാറ്റാം എന്ന് കരുതിയാൽ അവിടെയും ബിഡിജെഎസ്സാണ് തടസ്സം. തുഷാർ വെള്ളാപ്പള്ളി തന്നെ കോട്ടയത്ത് മത്സരിക്കാൻ തയ്യാറെടുക്കുകയാണ്. എന്നാൽ ബിജെപി സംസ്ഥാന പ്രസിഡന്റ് കെ.സുരേന്ദ്രൻ ലോക്സഭാ തിരഞ്ഞെടുപ്പിൽ മത്സരിച്ചേക്കില്ലെന്ന് കേന്ദ്ര നേതൃത്വത്തെ അറിയിച്ചിരുന്നു. കേന്ദ്രം നിർദേശിച്ചാൽ കെ സുരേന്ദ്രന് മത്സര രംഗത്തിറങ്ങേണ്ടിവരും. മുതിർന്ന ബിജെപി നേതാക്കളോട് സംഘടനാ രംഗത്ത് ശ്രദ്ധകേന്ദ്രീകരിക്കാൻ കേന്ദ്രം നിർദേശിച്ചതിന്റെ അടിസ്ഥാനത്തിലാണ് സുരേന്ദ്രൻ മത്സരരംഗത്തേക്ക് മുന്നിട്ട് ഇറങ്ങാത്തത്.

എന്തായാലും പി സി ജോർജ്ജിന് സീറ്റ് ഉറപ്പിക്കാൻ ബിജെപി കേന്ദ്ര നേതൃത്വത്തിന് ഇനി പുതുവഴികൾ തേടേണ്ടിവരും. പിസി പാർട്ടിയിലേക്ക് അംഗത്വം എടുത്തപ്പോൾ ഭൂരിപക്ഷമാൾക്കാരും പിസിയെ ബിജെപിയിലെക്കെടുക്കേണ്ട എന്ന നിലപാട് എടുത്തിരുന്നു. ബിജെപി പിസിയുടെ കാര്യത്തിൽ എന്ത് നിലപാടെടുക്കുമെന്നാണ് അണികളും ഉറ്റുനോക്കുന്നത്. ബിഡിജെഎസിനെയും പിസിയെയും കൈവിടാൻ സാധിക്കാത്ത അവസ്ഥയാണ് ബിജെപിയ്ക്കും.

ടി.പി വധക്കേസില്‍ പാര്‍ട്ടിക്ക് പങ്കില്ല, ഹൈക്കോടതി വിധി സ്വാഗതംചെയ്യുന്നു- എം.വി. ഗോവിന്ദന്‍

തിരുവനന്തപുരം: ടി.പി വധക്കേസിലെ ഹൈക്കോടതിവിധി സ്വാഗതംചെയ്യുന്നതായി സിപിഎം സംസ്ഥാന സെക്രട്ടറി എം.വി. ഗോവിന്ദന്‍. പാര്‍ട്ടി നേതാക്കളെ കള്ളക്കേസില്‍പ്പെടുത്തി വര്‍ഷങ്ങളോളം ജയിലിലടച്ചെന്നും പകവീട്ടലായാണ് കേസിനെ കൈകാര്യം ചെയ്തതെന്നും അദ്ദേഹം പറഞ്ഞു. കൊലപാതകത്തില്‍ പാര്‍ട്ടിക്ക് പങ്കില്ലെന്നും അദ്ദേഹം വ്യക്തമാക്കി.

വലിയ നിയമയുദ്ധമാണ് ഇതുമായി ബന്ധപ്പെട്ട് നടന്നത്. കൊള്ളക്കാരനെ അറസ്റ്റുചെയ്യുന്നപോലെ പാര്‍ട്ടി ജില്ലാ സെക്രട്ടറിയായിരുന്ന പി. മോഹനനെ കോണ്ടുപോകുന്ന ചിത്രം കേരളം മറന്നിട്ടില്ല. പാര്‍ട്ടി നേതാക്കളെ ഉള്‍പ്പെടെ കള്ളക്കേസില്‍പ്പെടുത്തി വര്‍ഷങ്ങളോളം ജയിലില്‍ അടച്ചു. പകവീട്ടലായാണ് കേസിനെ കൈകാര്യംചെയ്തത്. കോടതി ഇത് ശരിയായരീതിയില്‍ കണ്ടിരിക്കുന്നുവെന്നുവേണം വിധിയിലൂടെ മനസ്സിലാക്കാനെന്നും അദ്ദേഹം മാധ്യമങ്ങളോട് പറഞ്ഞു.
ടി.പി വധക്കേസില്‍ പാര്‍ട്ടിയ്ക്ക് പങ്കില്ലെന്ന് അന്നേപറഞ്ഞതാണ്. അത് ശരിയുമാണ്. പാര്‍ട്ടി ജില്ലാ സെക്രട്ടറി ഉള്‍പ്പെടെയുള്ള നേതാക്കള്‍ക്കെതിരെ വലിയ കടന്നാക്രമണം നടത്താനുള്ള ബോധപൂര്‍വ്വമായ ശ്രമം കേസുമായി ബന്ധപ്പെട്ട് നടന്നു. അപ്പോഴാണ് ശരിയായ രീതിയില്‍ ഞങ്ങള്‍ക്ക് ഇടപെടേണ്ടിവന്നതെന്നും കേസിനെ രാഷ്ട്രീയവല്‍ക്കരിക്കാന്‍ യുഡിഎഫ് ആണ് ശ്രമിച്ചതെന്നും അദ്ദേഹം ആരോപിച്ചു.

വിധിയുടെ പൂര്‍ണരൂപം വന്നശേഷം പ്രതികരിക്കേണ്ടതുണ്ടെങ്കില്‍ പ്രതികരിക്കാമെന്ന് സിപിഎം കോഴിക്കോട് ജില്ലാ സെക്രട്ടറി പി. മോഹനന്‍ പറഞ്ഞു. വിധിയെ സംബന്ധിച്ച അഭിപ്രായം പറയുന്ന ചിലര്‍ അവരുടെ താല്‍പര്യങ്ങള്‍ക്കും നിലപാടുകള്‍ക്കും അനുസരിച്ച് പ്രതികരിക്കുന്നവര്‍ ആയിരിക്കാം. ഇത്തരക്കാരുടെ വ്യാഖ്യാനങ്ങള്‍ക്കുമേല്‍ അഭിപ്രായം പറയാന്‍ ഇപ്പോള്‍ സന്നദ്ധമല്ലെന്നും അദ്ദേഹം വ്യക്തമാക്കി. ആര്‍.എം.പി. നേതാവായിരുന്ന ടി.പി. ചന്ദ്രശേഖരന്‍ വധക്കേസിലെ അപ്പീലുകളില്‍ തിങ്കളാഴ്ച ഹൈക്കോടതിയുടെ സുപ്രധാന വിധി വന്നിരുന്നു.
12 പ്രതികള്‍ ശിക്ഷാവിധിക്കെതിരേ നല്‍കിയ അപ്പീലും പരമാവധിശിക്ഷ നല്‍കണമെന്ന പ്രോസിക്യൂഷന്റെ അപ്പീലും സി.പി.എം. നേതാവ് പി. മോഹനനടക്കമുള്ളവരെ കേസില്‍ വെറുതേവിട്ടതിനെതിരേ ചന്ദ്രശേഖരന്റെ ഭാര്യ കെ.കെ. രമ എം.എല്‍.എ. നല്‍കീയ അപ്പീലിലുമാണ് ഡിവിഷന്‍ ബെഞ്ച് പരിഗണിച്ചത്. വെറുതെവിടണമെന്ന പ്രതികളുടെ അപ്പീല്‍ കോടതി തള്ളി. വിചാരണ കോടതി വിധി ഹൈക്കോടതി ശരിവെച്ചു. രണ്ടുപേരെ വെറുതെവിട്ട വിചാരണക്കോടതിയുടെ നടപടി ഹൈക്കോടതി റദ്ദാക്കുകയും ചെയ്തു. പി. മോഹനനെ വെറുതേവിട്ടത് കോടതി ശരിവെക്കുകയും ചെയ്തിരുന്നു.

പ്രതിഷേധക്കാര്‍ക്കെതിരെ കേസെടുത്തത് അംഗീകരിക്കില്ല, വയനാട്ടില്‍ നാളെ യുഡിഎഫ് പ്രക്ഷോഭം- ടി. സിദ്ദിഖ്

 

ചൊവ്വാഴ്ച വയനാട് ജില്ലയില്‍ യു.ഡി.എഫ് പ്രക്ഷോഭം സംഘടിപ്പിക്കുമെന്ന് ടി. സിദ്ദിഖ് എംഎല്‍.എ. കളക്ട്രേറ്റ് പരിസരത്താണ് ചൊവ്വാഴ്ച രാവിലെ ഒമ്പത് മുതല്‍ 24 മണിക്കൂര്‍ പ്രക്ഷോഭം സംഘടിപ്പിക്കുക. കെ. മുരളീധരന്‍ എം.പി, രമേശ് ചെന്നിത്തല എന്നിവര്‍ ഉള്‍പ്പെടെ പ്രമുഖര്‍ പങ്കെടുക്കുമെന്നും ടി. സിദ്ദിഖ് കോഴിക്കോട്ട് മാധ്യമങ്ങളോട് പറഞ്ഞു.

വയനാട്ടില്‍ ജനങ്ങളുടെ ജീവനും സ്വത്തിനും സംരക്ഷണം നല്‍കുന്നതില്‍ സര്‍ക്കാര്‍ പരാജയമാണ്. പ്രതിഷേധക്കാര്‍ക്കെതിരെ കേസെടുത്ത നടപടി അംഗീകരിക്കാനാവില്ല. ജനപ്രതിനിധികളെ അക്രമിച്ചതിലും കേസെടുത്തിട്ടുണ്ട്. താനും മറ്റ് ജനപ്രതിനിധികളും പരാതി നല്‍കിയിട്ടില്ല. തങ്ങള്‍ക്ക് പരാതിയുമില്ല.

പൊലീസിന് ജനങ്ങളുടെ മേല്‍ കുതിരകയറാന്‍ എം.എല്‍.എമാരെ ഉപയോഗിക്കുന്നു. അത് അനുവദിക്കില്ല. എല്ലാ കേസുകളും ഒഴിവാക്കണമെന്നാണ് ആവശ്യം. വനംമന്ത്രിക്ക് സ്ഥലം സന്ദര്‍ശിക്കാന്‍ വേണ്ടിയാണ് കേസെടുക്കുന്നത്. ജനങ്ങളെ ഭീഷണിപ്പെടുത്തി പ്രതിഷേധങ്ങള്‍ ഇല്ലാതാക്കാനാണ് സര്‍ക്കാര്‍ ശ്രമം. ജില്ലയില്‍ വന്യജീവി ആക്രമണത്തില്‍ പരിക്കേറ്റവര്‍ക്ക് രാഹുല്‍ ഗാന്ധി എം.പിയുടെ സന്ദര്‍ശനത്തിന് പിന്നാലെ നല്‍കിയ സഹായത്തെക്കുറിച്ചും ടി.സിദ്ദിഖ് വിശദീകരിച്ചു.

കാട്ടാന ആക്രമണത്തില്‍ പരിക്കേറ്റ ശരത്തിന്റെ ചികിത്സയ്ക്ക് 50,000 രൂപ നല്‍കും. ലക്ഷ്മണന്റെ കുടുംബത്തിന് സഹായധനം നല്‍കാന്‍ നിര്‍ദേശം നല്‍കി. പോളിന്റെ വീട് നിര്‍മാണം പാര്‍ട്ടി പൂര്‍ത്തിയാക്കും. കുഞ്ഞവറാന്റെ കുടുംബത്തിന് വീടുവെച്ച് നല്‍കുമെന്നും അദ്ദേഹം അറിയിച്ചു.

LEAVE A REPLY

Please enter your comment!
Please enter your name here

Share post:

spot_imgspot_img

Popular

More like this
Related

Um Dos Cassinos Mais Convenientes Perform Brasil Pin-up: Bônus Generosos Para Recém-lan?ados Jogadores!

Um Dos Cassinos Mais Convenientes Perform Brasil Pin-up: Bônus...

തെരഞ്ഞെടുപ്പ് രാഷ്ട്രീയത്തിലേക്ക് ഇനിയില്ല, പ്രവര്‍ത്തന കേന്ദ്രം ഇനി കേരളം തന്നെ: കെ മുരളീധരന്‍

തെരഞ്ഞെടുപ്പ് രാഷ്ട്രീയത്തിലെക്കില്ലെന്ന് ആവര്‍ത്തിച്ച് കെ മുരളീധരന്‍. പഞ്ചായത്ത് തെരഞ്ഞെടുപ്പ് വരെ പൊതുരംഗത്ത്...

സൂപ്പര്‍ കോച്ചും താരവും; കേരള മുന്‍ ഫുട്‌ബോളര്‍ ടി കെ ചാത്തുണ്ണി അന്തരിച്ചു

കേരള മുന്‍ ഫുട്‌ബോള്‍ താരവും രാജ്യത്തെ ഇതിഹാസ പരിശീലകനുമായ ടി കെ...

കേന്ദ്ര സഹമന്ത്രിയായി ചുമതലയേറ്റ് സുരേഷ് ഗോപി

മൂന്നാം നരേന്ദ്ര മോദി സര്‍ക്കാരിന്റെ വകുപ്പു വിഭജനം പൂര്‍ത്തിയായതിനു പിന്നാലെ, തൃശൂര്‍...