എസ്എന്സി ലാവ്ലിന് കേസ് ഇന്നും സുപ്രീം കോടതി പരിഗണിച്ചില്ല. അന്തിമ വാദത്തിനായി കേസ് പട്ടികയിലുണ്ടായിരുന്നെങ്കിലും ഇന്നും പരിഗണനയ്ക്കെടുക്കാതെ മാറ്റിവെക്കുകയായിരുന്നു. ഇന്ന് സുപ്രീം കോടതിയുടെ മുമ്പാകെ വന്ന മറ്റു കേസുകള് നീണ്ടുപോയതിനാലാണ് ലാവ്ലിന് കേസ് പരിഗണനയ്ക്കാതിരുന്നത്. എന്നാല്, അന്തിമ വാദത്തിന്റെ പട്ടികയിലുണ്ടായിട്ടും അഭിഭാഷകര് ആരും തന്നെ കേസ് ഉന്നയിച്ചില്ല.
എസ്എന്സി ലാവലിന് കേസില് സുപ്രീംകോടതിയില് അന്തിമവാദം ഇന്ന് തുടങ്ങാനിരിക്കെയാണ് കേസ് പരിഗണിക്കാതെ വീണ്ടും നീണ്ടുപോകുന്നത്. ജസ്റ്റിസ് സൂര്യകാന്ത്,ജസ്റ്റിസ് കെ.വി.വിശ്വനാഥന് എന്നിവരടങ്ങുന്ന ബെഞ്ചായിരുന്നു ഹര്ജി പരിഗണിക്കേണ്ടിയിരുന്നത്. ഇത് 39ാം തവണയാണ് ലാവ് ലിന് കേസിലെ വാദം പരിഗണിക്കാതെ മാറ്റിവെക്കുന്നത്. കഴിഞ്ഞ ഫെബ്രുവരിയില് കേസ് പരിഗണനയ്ക്ക് വന്നെങ്കിലും മെയ് ഒന്നിലേക്ക് മാറ്റുകയായിരുന്നു.
പന്നിയാര്, ചെങ്കുളം, പള്ളിവാസല് ജലവൈദ്യുത പദ്ധതികളുടെ നവീകരണത്തിന് കാനഡയിലെ എസ്എന്സി ലാവലിന് കമ്പനിയുമായി കരാറുണ്ടാക്കിയതില് ക്രമക്കേടുണ്ടായെന്നും ഇതുവഴി 86.25 കോടിയുടെ നഷ്ടം സംഭവിച്ചുവെന്നുമാണ് കേസ്.ആര് പറയുന്നത് ശരി? നിര്ണായക തെളിവ് ശേഖരിക്കണം, കെഎസ്ആര്ടിസി ബസിനുള്ളിലെ സിസിടിവി ഇന്ന് പരിശോധിക്കും
മുഖ്യമന്ത്രി പിണറായി വിജയന്, ഊര്ജ്ജ വകുപ്പ് സെക്രട്ടറി കെ.മോഹനചന്ദ്രന്, ജോയന്റ് സെക്രട്ടറി എ. ഫ്രാന്സിസ് എന്നിവരെ കുറ്റവിമുക്തരാക്കിയ 2017 ലെ ഹൈക്കോടതി വിധിക്കെതിരായ സിബിഐയുടെ ഹര്ജിയിലാണ് വാദം ആരംഭിക്കാതെ നീണ്ടുപോകുന്നത്. വിചാരണ നേരിടണമെന്ന് കോടതി വിധിച്ച വൈദ്യുതിബോര്ഡ് മുന് സാന്പത്തിക ഉപദേഷ്ടാവ് കെ.ജി.രാജശേഖരന് നായര്, ബോര്ഡ് മുന് ചെയര്മാന് ആര്.ശിവദാസന്, മുന് ചീഫ് എന്ജിനിയര് കസ്തൂരിരംഗ അയ്യര് എന്നിവരുടെ ഇളവ് തേടിയുള്ള ഹര്ജിയും ഇതോടൊപ്പം സുപ്രീം കോടതിയുടെ പരിഗണനയിലുണ്ട്.
ആം ആദ്മിയുമായി സഖ്യം; പാര്ട്ടിയോട് ഉടക്കി മുന് കോണ്ഗ്രസ് എംഎല്എമാര് രാജിവെച്ചു
ദില്ലി: ദില്ലിയില് കോണ്ഗ്രസിനെ പ്രതിസന്ധിയിലാക്കി വീണ്ടും നേതാക്കളുടെ രാജി. മുന് എംഎല്എമാരായ നീരജ് ബസോയ, നസീബ് സിംഗ് എന്നിവരാണ് പാര്ട്ടി അംഗത്വം രാജിവെച്ചത്. ആംആദ്മി പാര്ട്ടിയുമായുള്ള കോണ്ഗ്രസ് സഖ്യത്തില് പ്രതിഷേധിച്ചാണ് രാജിയെന്നാണ് വിശദീകരണം. ദില്ലി കോണ്ഗ്രസ് അധ്യക്ഷനായിരുന്ന അര്വിന്ദര് സിംഗ് ലൗലിയോട് പാര്ട്ടി കാണിച്ച അനീതിയില് പ്രതിഷേധിച്ചാണ് രാജി എന്നും റിപ്പോര്ട്ടുണ്ട്. കഴിഞ്ഞ ദിവസമാണ് അര്വിന്ദര് സിംഗ് ലൗലി പാര്ട്ടി അധ്യക്ഷ പദവി ഒഴിഞ്ഞത്. അര്വിന്ദര് സിംഗ് ലൗലി പദവി ഒഴിഞ്ഞതോടെ കോണ്ഗ്രസ് ദേവേന്ദര് യാദവിനെ ദില്ലി ഇടക്കാല പ്രസിഡന്റായി നിയമിച്ചിരുന്നു. ഇതിന് തൊട്ടുപിന്നാലെയാണ് രാജികള് പുറത്തുവന്നത്.
ലൗലിയുടെ അടുത്ത അനുയായികളാണ് നീരജ് ബസോയയും നസീബ് സിംഗും. 2008 മുതല് 2013 വരെ കസ്തുഡബ നഗര് എംഎല്എ ആയിരുന്നു നീരജ് ബസോയ. 1998 മുതല് 2013 വിശ്വാസ് നഗറില് നിന്നുള്ള എംഎല്എ ആയിരുന്നു നസീബ് സിംഗ്. ഉത്തര്പ്രദേശിന്റെ ചുമതലയുള്ള എഐസിസി സെക്രട്ടറിയായിരുന്നു നസീബ് സിംഗ്. കോണ്ഗ്രസ് വിട്ട നേതാക്കള് ബിജെപിയിലേക്ക് പോകും എന്ന സൂചനയാണ് പുറത്ത് വരുന്നത്. ഇരുവര്ക്കും ലോക്സഭാ തിരഞ്ഞെടുപ്പിന്റെ നിരീക്ഷക ചുമതലയുമുണ്ടായിരുന്നു. നസീബ് സിംഗിന് നോര്ത്ത് വെസ്റ്റ് ഡല്ഹിയുടെയും നീരജ് ബസോയ്ക്ക് വെസ്റ്റ് ഡല്ഹി മണ്ഡലത്തിന്റെയും ചുമതലയാണുള്ളത്.
തെരഞ്ഞെടുപ്പ് അടുത്തിരിക്കെ ഉന്നത സ്ഥാനത്തിരിക്കുന്ന നേതാക്കളുടെ കൊഴിഞ്ഞ് പോക്ക് ദില്ലിയില് കോണ്ഗ്രസിനെ പ്രതിസന്ധിയിലാക്കിയിരിക്കുകയാണ്. കനയ്യ കുമാര്, ഉദിത് രാജ് തുടങ്ങിയ സ്ഥാനാര്ത്ഥികള്ക്ക് എതിരെ ഒരു വിഭാഗത്തിന്റെ പ്രതിഷേധം തുടരുകയാണ്. എത്രയും വേഗം ഹൈക്കമാന്ഡ് ഇടപെട്ട് പ്രശ്നം പരിഹരിക്കണം എന്നാണ് ഒരു വിഭാഗം നേതാക്കളുടെ ആവശ്യം. എഎപിയുമായി സഖ്യം ഉണ്ടാക്കിയതില് നേതാക്കള് നിരന്തരം നേതൃത്വത്തിനെതിരെ വിമര്ശനം ഉന്നയിക്കുന്നത് ഇന്ഡ്യ സഖ്യത്തിന്റെ കെട്ടുറപ്പിനെ ബാധിക്കുമോ എന്ന ആശങ്കയും കോണ്ഗ്രസ് നേതൃത്വത്തിനുണ്ട്. അതേസമയം നേതാക്കളുടെ രാജി കോണ്ഗ്രസിന്റെ ആഭ്യന്തര വിഷയമാണെന്നാണ് ആം ആദ്മി പാര്ട്ടിയുടെ നിലപാട്.
