ടിപി ചന്ദ്രശേഖരന് വധക്കേസിലെ കുറ്റവാളികള് സുപ്രീം കോടതിയെ സമീപിച്ചു. ഹൈക്കോടതി വിധിച്ച ഇരട്ട ജീവപര്യന്തത്തെ ചോദ്യം ചെയ്താണ് സുപ്രീം കോടതിയില് കേസിലെ ഒന്ന് മുതല് ആറു വരെയുള്ള പ്രതികള് സുപ്രീം കോടതിയില് അപ്പീല് നല്കിയത്. ശിക്ഷ സ്റ്റേ ചെയ്ത് ജാമ്യം നല്കണമെന്നാവശ്യപ്പെട്ടാണ് ഹര്ജി നല്കിയത്. അപ്പീല് നല്കിയതിന്റെ വിവരങ്ങള് പുറത്ത്. വിശദാംശങ്ങള് ടിപി വധക്കേസിലെ പ്രതികള്ക്ക് ശിക്ഷാ ഇളവിന് നല്കാനുള്ള സര്ക്കാര് തീരുമാനം വിവാദമായതിനിടെയാണ് പ്രതികള് സുപ്രീം കോടതിയില് ഹര്ജി നല്കിയിരിക്കുന്നത്.
കേസിലെ ഒന്ന് മുതല് ആറുവരെയുള്ള പ്രതികളായ അനൂപ്, കിര്മാണി മനോജ്, കൊടി സുനി, രജീഷ്, ഷാഫി, ഷിനോജ് എന്നിവരാണ് സുപ്രിം കോടതിയെ സമീപിച്ചത്. നേരത്തെ ഗൂഢാലോചന കുറ്റത്തില് ഇവര്ക്ക് വീണ്ടും ഹൈക്കോടതി ജീവപര്യന്തം ശിക്ഷ വിധിച്ചിരുന്നു. ഇത് സ്റ്റേ ചെയ്ത് ജാമ്യം നല്കണമെന്നാണ് ഹര്ജി. 12 വര്ഷമായി ജയിലാണെന്നും ജാമ്യം നല്കണമെന്നും ഹര്ജിയില് ആവശ്യപ്പെടുന്നുണ്ട്.ഹൈക്കോടതി ശിക്ഷിച്ച ജ്യോതി ബാബു., കെ കെ കൃഷ്ണന് എന്നിവരും സുപ്രീം കോടതിയില് അപ്പീല് നല്കി. ജീവപര്യന്തം ശിക്ഷക്കെതിരെയാണ് ഇവര് അപ്പീല് നല്കിയത്. ഇരുവരെയും വിചാരണക്കോടതി വെറുതെ വിട്ടിരുന്നു.
ഭൂമി അഴിമതി കേസ്; ജാര്ഖണ്ഡ് മുന് മുഖ്യമന്ത്രി ഹേമന്ത് സോറന് ജാമ്യം
ഭൂമി അഴിമതി കേസില് ജാര്ഖണ്ഡ് മുന് മുഖ്യമന്ത്രി ഹേമന്ത് സോറന് ജാമ്യം. ജാര്ഖണ്ഡ് ഹൈക്കോടതിയാണ് ഹേമന്ത് സോറന് ജാമ്യം അനുവദിച്ചത്. ഭൂമി അഴിമതി കേസില് ജനുവരി 31 ന് രാത്രിയാണ് എന്ഫോഴ്സമെന്റ് ഡയറക്ടറേറ്റ് ഹേമന്ത് സോറനെ അറസ്റ്റ് ചെയ്തത്. അറസ്റ്റ് രേഖപ്പെടുത്തുന്നതിന് തൊട്ടുമുമ്പാണ് ഹേമന്ത് സോറന് മുഖ്യമന്ത്രിസ്ഥാനം രാജിവെച്ചത്. നിയമവിരുദ്ധമായി 8.36 കോടി രൂപയുടെ ഭൂമി കൈക്കലാക്കിയെന്ന കേസിലാണ് ഇഡി സോറനെ അറസ്റ്റ് ചെയ്തത്. ജാര്ഖണ്ഡില് നിയമസഭാ തെരഞ്ഞെടുപ്പ് പ്രഖ്യാപിക്കാനിരിക്കെയാണ് ഹേമന്ത് സോറന് ജാമ്യം നേടി പുറത്തിറങ്ങുന്നത്. ഹേമന്ത് സോറന്റെ അറസ്റ്റ് രാഷ്ട്രീയ പകപോക്കലാണെന്നാണ് ഇന്ത്യ സഖ്യത്തിന്റെ വാദം.
